Pisalema 30:11 - Xitsonga (Bibele)

¹¹ U hundzuluxile mihloti ya mina ku tsaka, U tshunxile nguvu ya mina leyo khwaxa, kutani u ndzi ambexe ku tsaka,

BIBELE Mahungu Lamanene

¹¹ Ku rila ka mina u ku hundzurile ku tsaka, u ndzi hluvurile swiambalo leswo khwaxa swa nkosi, u ndzi ambexa swiambalo swa nkhuvo.

Pisalema 30:11 Referans Kwoze

Yeremiya 31:4

Ndzi ta ku aka, kutani u ta va u akiwile, wena, nhwanyana wa Israele! U ta va u tibombisa hi mirumba ya wena, u ta huma u famba exiyin'weni xa vatsaki.

Esaya 25:8

U ta lovisa rifu hilaha ku nga heriki: Hosi, Yehovha u ta hlangula mihloti emimombyeni hinkwayo; u ta sula tingana ta tiko ra yena hinkwaro, hikuva Yehovha u vurisile.

Eklesiasta 3:4

Nkarhi wu kona wa ku rila, wu kona nkarhi wa ku hleka, nkarhi wu kona wa ku kolola, wu kona nkarhi wa ku cina.

2 TIKRONIKA 20:12

Oho! Xikwembu xa hina! Xana u nga ka u nga va avanyisi xana? Hikuva hi pfumala matimba emahlweni ka vunyingi lebyi, lebyikulu, lebyi taka ehenhla ka hina; loko hi ri hina, a hi tivi leswi hi nga ta swi endla, kambe mahlo ya hina ma langutela wena.”

Pisalema 149:3

A va dzunise vito ra yena hi ku cina, A va n'wi dzunise hi mpfumawulo wa tingoma ni wa tiharipa!

Pisalema 150:4

Xi dzuniseni hi ngoma ni ku cina! Xi dzuniseni hi mpfumawulo wa timbila leti nga ni tingoti, ni nanga!

Luka 15:22

Kambe tata wa yena a ku eka malandza ya yena: ‘Tisani nguvu leyo saseka ngopfu, mi n'wi ambexa yona, mi n'wi nghenisa xingwavila eritihweni, ni tintanghu emilengeni.

Pisalema 30:5

Hikuva vukari bya yena i bya nkarhinyana ntsena, Kambe tintswalo ta yena, i ta vutomi hinkwabyo; Swirilo swi nga hambukela eka munhu nimadyambu, Kambe nimixo i ku tsaka.

2 SAMIELE 6:14

kutani Davhida a cina hi matimba hinkwawo ya yena emahlweni ka Yehovha, kambe Davhida a a ambarile efodi ya ntsembyana.

Nhlavutelo 21:4

Xikwembu xi ta hlangula mihloti hinkwayo emahlweni ya vona, kutani rifu a ri nga ha vi kona, a ku nga ha vi na nkosi, hambi ku ri ku kolola, kumbe ku vaviseka, hikuva leswo sungula swi hundzile.”

Esaya 61:3

ku tisela lava rilaka eSiyoni, ni ku va rhwexa harhi ya vuhosi ematshan'weni ya nkuma, mafurha ya ku tsaka ematshan'weni ya nkosi, ni nguvu ya nkhuvo ematshan'weni ya moya lowu tsaneke, leswaku va ta vuriwa mikuhlu ya ku lulama, leyi nga byariwa hi Yehovha ku n'wi dzunisa.

Pisalema 4:7

U tsakisile mbilu yanga ku tlurisa ku tsaka ka vona Loko va andzeriwa hi mavele ni vhinyo.

Yohane 16:20

Ndzi vurisile ndzi ri eka n'wina: Mi ta rila, mi va mi kolola, kutani yona misava yi ta tsaka; mi ta va ni ku vaviseka, Kambe ku vaviseka ka n'wina ku ta hundzuka ku tsaka.

Esaya 61:10

Ndzi ta titsakela eka Yehovha, moya wanga wu ta titsakela eka Xikwembu xa mina; hikuva xi ndzi ambexile tinguvu ta ku hlayiseka, xi ndzi funengetile hi nkumba wa ku lulama kukotisa muvuti la tibombiseke hi musingasoro, kukotisa mutekiwa la tibombiseke hi ku saseka ka nsuku.

2 TIKRONIKA 20:9

‘Kungakuloko hi humeleriwa hi khombo rin'wana, kumbe matlhari, ni ku avanyisa, kumbe ntungu, kumbe ndlala, hi ta yima emahlweni ka yindlu leyi, ni le mahlweni ka wena, hikuva vito ra wena ri le ndlwini leyi; ekhombyeni ra hina hi ta huwelela eka wena, kutani u ta hi yingisa, u va u hi ponisa.’

Esaya 25:3

Hikwalaho matiko lama nga ni matimba ma ku dzunisa, miti ya vamatiko lava nga ni matimba ya ku chava.

Estere 9:22

hileswaku hi masiku lawa Vayuda va voneke ku wisa eka valala va vona, kambe en'hwetini leyi tingana ta vona ti hundzukeke ku tsaka, ni ku rila ka vona ku hundzukeke nkhuvo; va ku va ma endla masiku ya nkhuvo ni ya ku tsaka lawa ku rhumelaniwaka tinyiko, lawa kambe ku hiwaka swisiwana ha wona.

Nehemiya 8:10

Va engeta va ku eka vona: “Fambani mi dya tinyama leti noneke, mi nwa leswo nandziha, mi rhumela lava nga lunghiseriwangiki nchumu swakudya, hikuva siku leri hi leri hlawuleriweke hosi ya hina; mi nga hlunami, hikuva ku tsaka ka Yehovha i matimba ya n'wina.”

Genesa 45:28

Kutani Israele a ku: “Swi ringene! Yosefa n'wananga wa ha hanya; ndzi ta ya ndzi ya n'wi vona ndzi nga si fa.”

Genesa 37:35

Kutani vana va yena hinkwavo va xinuna ni va xisati va ta n'wi chavelela, kambe a ala ku chaveleriwa, a ku: “Ndzi ta xikela exivandleni xa va ku fa eka n'wananga, ndzi ri karhi ndzi rila.” Tata wa yena a n'wi rilela sweswo.

2 TIKRONIKA 20:3

Yoxafati a chava, a tilunghisa ku lava Yehovha, kutani a lerisa va Yuda hinkwavo ku titsona swakudya.

Pisalema 27:7

Yingisa, Yehovha, rito ra nga ra ku vita; Ndzi twele vusiwana, u ndzi hlamula.

Yeremiya 52:33

A n'wi tshikisa tinguvu ta yena ta mukhomiwa kutani a dya swakudya emahlweni ka hosi hi masiku hinkwawo ya ku hanyaka yena.