Pisalema 29:3 - Xitsonga (Bibele)

³ Rito ra Yehovha ri pfuma ehenhla ka mati, Xikwembu xo kwetsima xi twakarisa ku dzindza; Yehovha u le henhla ka mati lamakulu.

BIBELE Mahungu Lamanene

³ Rito ra HOSI ri twakala ehenhla ka malwandle, Xikwembu xo dzuneka xi dzindzisa tilo. HOSI yi fuma swidziva leswikulu.

Pisalema 29:3 Referans Kwoze

Eksoda 9:33

Kutani Muxe a suka eka Faro, a huma emutini, kuteloko a tlakuse mavoko ya yena eka Yehovha, ku pfuma ni xihangu swi hela, ni mpfula yi xa emisaveni.

Eksoda 9:28

Khongelani Yehovha leswaku ku nga tshuki ku va ni ku pfuma ni xihangu, kutani ndzi ta mi tshunxa mi famba, mi nga ha siveriwi.”

Nhlavutelo 19:6

Kutani ndzi twa rito leri fanaka ni ra vunyingi lebyikulu, ri kotisa mpfumawulo wa mati layo tala, ni leswo ngi i rito ra tindlati leto pfuma ngopfu, ri ku: “Aleluya! Hikuva ku fuma Hosi Xikwembu xa hina xa matimba hinkwawo.

Nhlavutelo 16:18

Kutani ku humelela marito, ni ku pfuma, ni ku hatima; kutani ku tsekatseka loku chavisaka ku va kona; ka ha ri mpfhuka vanhu va va kona emisaveni, ku tsekatseka loko tano a ku si va kona.

Nhlavutelo 11:19

Kavaloko tempele ya Xikwembu yi pfuriwa etilweni, kutani areka ya ntwanano wa xona yi voniwa etempeleni ya xona; kutani ku humelela ku hatima, ni marito, ni ku pfuma, ni ku tsekatseka ka misava, ni xihangu lexikulu.

Nhlavutelo 4:5

Exiluvelweni, a ku huma ku hatima, ni ku pfuma, ni marito. Emahlweni ka xiluvelo, a ku pfurha timboningo ta ntlhanu na timbirhi, yi nga mimoya ya ntlhanu na mimbirhi ya Xikwembu.

Pisalema 104:3

Wa yimisa timhandze ta tindlu ta yena leti tlakukeke exikarhi ka mati, U endle mapapa golonyi ya yena, U famba a khandziyile etimpapeni ta moya,

1 SAMIELE 7:10

Kakuloko Samiele a ha humesa holokosta, Vafilista va tshinela ku ta lwa na Israele. Kambe Yehovha a pfumisa tilo hi matimba ehenhla ka Vafilista, a va pfilunganya, kutani va hluriwa emahlweni ka Israele.

Eksoda 19:16

Hi siku ra vunharhu, loko byi xa, ku pfuma ku va kona ni ku hatima, ni papa lera ntima ri va ehenhla ka ntshava, ni ku pfuma lokukulu ka nanga; kutani vanhu hinkwavo lava ngi va ri emixaxeni, va rhurhumela.

Nhlavutelo 8:5

Kutani ntsumi yi teka ximbitana, yi xi tata hi ndzilo wa alitari, yi xi hoxa emisaveni; kutani ku humelela marito, ni ku pfuma, ni ku hatima, ni ku tsekatseka ka misava.

Yohane 12:29

Ntshungu lowu yimeke kwalaho, loko wu swi twa, va ku: “Ri pfumile.” Van'wana va ku: “Ntsumi yi vulavurile na yena.”

Timhaka 7:2

Stefano a hlamula a ku: “Vavanuna varikwerhu, na n'wina vatatana, ndzi yingiseni! “Xikwembu lexo kwetsima xi tikombisile eka tata wa hina, Abrahama, a ha ri eMesopotamiya, a nga si aka eHarana;

Ntirho 36:33

Mpfumawulo wa rona wu xi vikela, Swi tsandza ni swifuwo, swi tiva loko xi tshinela.

Ntirho 40:9

U ni voko leri fanaka ni ra Xikwembu xana? Ni rito ra wena ri nga pfuma kukota ra xona-ke?