Pisalema 27:5 - Xitsonga (Bibele)

⁵ Hikuva u ta ndzi fihla entsongeni wa yena hi siku ra khombo, U ta ndzi tumbeta exichavelweni xa Tabernakela ya yena, Kutani a ndzi khandziyisa ehenhla ka ribye lero tiya.

BIBELE Mahungu Lamanene

⁵ Esikwini ra khombo, HOSI yi ta ndzi tumbeta entsongeni wa yona, yi ta ndzi fihla endzeni ka yindlu ya yona; yi ndzi veka ehenhla ka ribye lerikulu.

Pisalema 27:5 Referans Kwoze

Swivuriso 18:10

Vito ra Yehovha i khokholo ro tiya, La lulameke u chavela eka rona, u tshama eku tlakukeni.

Pisalema 31:20

U va fihla exihundleni lexi nga emahlweni ka wena ekule ni lava xanisaka; U va sirhelela entsongeni wa wena; ekule ni tindzimi leti lumaka.

Pisalema 138:7

Loko ndzi famba exikarhi ka maxaniseko, wena wa ndzi hanyisa, U tshambuluta voko ra wena ku ndzi sirhelela ka vukari bya valala va mina, Kutani voko ra wena ra xinene ra ndzi ponisa.

Pisalema 91:1

La tshamaka exihundleni xa Loyi a nga henhlahenhla, U wisa endzhutini wa La nga ni matimba hinkwawo.

Pisalema 119:114

U xichavelo ni xitlhangu xanga; Ndzi langutele ku tshembisa ka wena.

Pisalema 50:15

Kutani u vitana eka mina hi siku ra mahlomulo, Ndzi ta ku lwela, kutani wena u ta ndzi dzunisa.”

Pisalema 40:2

U ndzi humesile ekheleni ra ku onhaka, ni le tshobyeni ra ndzhope; U vekile mikondzo ya nga eribyeni, a tiyisa ku famba ka mina.

Vakolosa 3:3

hikuva mi file, kutani vutomi bya n'wina byi fihliwile na Kriste eka Xikwembu.

Pisalema 17:8

Ndzi hlayise kukota xanga ya tihlo, U ndzi fihla ehansi ka timpapa ta wena,

Pisalema 46:1

Xikwembu i vuchavelo bya hina ni matimba ya hina, I ku pfuna loku kumiwaka kusuhi emapfalweni.

Esaya 26:20

Yana, tiko ra mina, u nghena emakamareni ya wena, u pfala nyangwa endzhaku ka wena; tumbela nkarhinyana, vukari bya yena byi ko byi hundza.

Pisalema 91:15

U ta vitana eka mina, kutani ndzi ta n'wi hlamula; Ndzi ta va na yena ekhombyeni, Ndzi n'wi kutsula ni ku n'wi dzunisa;

Pisalema 57:1

Ndzi twele vusiwana, Xikwembu, ndzi twele vusiwana! Hikuva moya wanga wu chavele eka wena; Ndzi chavele endzhutini wa timpapa ta wena; Ku fika nkarhi lowu makhombo ma nga ta va ma hundzile.

Esaya 32:2

Un'wana ni un'wana wa vona u ta kotisa xisirhelelo loko moya wu hunga, kukota xichavelo loko xidzedze xi fika, kukota xinambyana xa mati etikweni ra dyandza, ni ndzhuti wa ribye leri tlakukeke etikweni leri omeke.

Pisalema 61:2

Ndzi huwelela eka wena ndzi ri emakun'wini ya misava, eku heleni ka mbilu ya mina; Ndzi fambise eribyeni leri ndzi hlulekaka ku khandziya ka rona!

Pisalema 18:33

U endle milenge ya mina yi fana ni ya tinhlangu, U ndzi tiyisile etindhawini ta mina leti tlakukeke.

Pisalema 83:3

Va kanelela tiko ra wena emakungu lama teleke hi mano, Va hleva lava u va chavelelaka.

Pisalema 77:2

Hi siku ra nchavo wa mina, ndzi lava Hosi, Mavoko ya mina ma tshambulutiwa ni vusiku, ndzi nga wisi; Moya wa mina wu ala ku chaveleriwa.

Esaya 26:16

Yehovha, va langutile eka wena emaxangwini ya vona. Loko u va ba, a va rilela eka wena.

Pisalema 10:1

Oho Yehovha u yimela yini hitlhelo? U tifihlela yini enkarhini wa nhlomulo xana?

Matewu 23:37

“Yerusalema, Yerusalema, la dlayaka vaprofeta, la khandlaka hi maribye lava rhumiweke eka wena, ndzi rhandzile kangani ku hlengeleta vana va wena kukotisa huku loko yi hlengeleta swiciwana swa yona ehansi ka timpapa ta yona, kambe mi arile.

2 TIKRONIKA 22:12

Sweswo a fihliwa ekusuhi na vona endlwini ya Xikwembu, hi malembe ya ntlhanu na rin'we; kambe Ataliya a a fuma etikweni ra Yuda.

Pisalema 31:21

A ku dzuniwe Yehovha! Hikuva u ndzi kombisile nsovo wa yena, Kukotisa loko ngi ndzi vekiwe ekhokholweni.

Pisalema 40:3

U nghenise enon'wini wa mina risimu lerintshwa, Ku dzunisa Xikwembu xa hina. Lavo tala va swi vonile va ve ni ku chava, Kutani va tshembile Yehovha.

Pisalema 61:3

Hikuva u xichavelo xa mina, U khokholo ra mina ra ku tiya emahlweni ka nala.