Pisalema 27:14 - Xitsonga (Bibele)

¹⁴ Langutela Yehovha, u tshama u tiya; Mbilu ya wena a yi tiye! U titshembela Yehovha!

BIBELE Mahungu Lamanene

¹⁴ Tshemba HOSI, u tiya nhlana; u nga tsekatseki, ina tshemba HOSI!

Pisalema 27:14 Referans Kwoze

Esaya 40:31

kambe lava tshembaka Yehovha va engeta va kuma matimba lamantshwa. Va ta haha tanihi magama, va ta tsutsuma va nga karhali; va ta famba va nga tsani!

Pisalema 31:24

Tiheni matimba; timbilu ta n'wina a ti tiye, N'wina hinkwenu lava langutelaka Yehovha!

Esaya 30:18

Hikwalaho Yehovha u ta mi langutela ku mi tsetselela, u ta tshinela a mi tsetselela, hikuva Yehovha i Xikwembu lexi lulameke, xi katekisa hinkwavo lava xi tshembaka!

Pisalema 37:34

Tshemba Yehovha, u hlayisa ndlela ya yena, U ta ku kurisa leswaku u fuma misava; Kambe u ta vona ku herisiwa ka lavo biha.

Pisalema 130:5

Ndzi tshembile Yehovha; moya wa mina wu n'wi langutele, Ndzi tshemba rito ra yena.

Vafilipiya 4:13

Ndzi nga endla hinkwaswo ha Kriste la ndzi haka matimba.

Habakuku 2:3

hikuva hlavutelo leyo ya ha tshamele nkarhi wa kona, kambe yi ta hatlisa eku heteleleni, yi nga ka yi nga xisi. Hambi yi nga hlwela, u yi langutela, hikuva yi ta endlakala swinene, yi nga ka vi nga hlweri.

Vaefesa 6:10

Loko swi ri tano, tiyani eHosini ni le matimbeni ya yona lama nga tsandziwiki ha nchumu.

Pisalema 62:5

Hakunene, moya wanga wu wisa hi ku tshemba Xikwembu, Hikuva ku tshemba ka mina ku pfa eka xona.

Vakolosa 1:11

mi ri karhi mi tiyile ematlhelweni hinkwawo hi matimba yo kwetsima ya xona, mi ta va ni ku chivirika hinkwako ni ku yingisela, mi ri ni ku tsaka.

Pisalema 138:3

Siku leri ndzi nga rila ka wena, u ndzi twile, U ndzi tiyisile, matimba ma nghene emoyeni wa mina.

Swivuriso 20:22

U nga vuri: Ndzi ta tlherisela swo biha hi swo biha, Tshemba Yehovha, hi yena la nga ta ku ponisa.

Pisalema 33:20

Mimoya ya hina yi titshembele Yehovha; U mupfuni wa hina ni switlhangu swa hina.

Varhoma 8:25

Kambe loko hi langutela leswi hi nga swi voniki, hi swi langutela hi ku tiyisela.

Swirilo 3:26

Swi lulamile eka munhu ku langutela hi ku rhula Ku ponisiwa hi Yehovha.

1 Vakorinto 16:13

Hitekani, mi tiya eku pfumeleni, mi endlisa hi vununa, mi tinyika matimba;

Esaya 25:9

Hi siku lero va ta ku: “Vonani, hi xona Xikwembu xa hina; hi tshembile xona, kutani xi hi ponisile! Hi yena Yehovha loyi hi n'wi tshembeke; a hi tsakisiseni hi tsakela ku ponisa ka yena!”

Pisalema 25:21

Ku tenga ni ku lulama a swi ndzi tiyise, Hikuva ndzi ku langutele.

Pisalema 25:3

Hinkwavo lava ku tshembaka va nga ka va nga khomiwi hi tingana. Tingana i ta lava endlaka swo biha ha vomu ntsena.

Genesa 49:18

“Yehovha, ndzi langutele ku kutsuriwa hi wena!

Luka 2:25

EYerusalema, a ku ri ni munhu la vuriwaka Simiyoni. Munhu loyi a a lulamile, a chava Xikwembu, a langutele ku chaveleriwa ka Israele. Moya lowo Kwetsima a wu ri eka yena.

Esaya 8:17

Ndzi tshembile Yehovha la fihlelaka yindlu ya Yakobo mombo wa yena, ndzi langutela eka yena.

Vaefesa 3:16

ndzi kombela leswaku a mi nyika hi rifuwo ra ku kwetsima ka yena, ku tiyisiwa hi matimba emunhwini la nga xikarhi, hi Moya wa yena,

Pisalema 62:1

Kunene, moya wa mina wu wisa eka Xikwembu; Ku hlayiseka ka mina ku huma eka xona.

Pisalema 40:1

Ndzi langutele Yehovha hi ku tiyisela, Kutani u ndzi korhamele, a yingisa ku huwelela ka mina.

Esaya 26:8

Oho Yehovha! Hi ku languterile hakona endleleni ya ku avanyisa ka wena; hi navela vito ra wena, ni ku anakanya ka wena hi mimoya hinkwayo ya hina.

Luka 2:38

Na yena a humelela enkarhini wolowo, a khensa Hosi, a vula timhaka ta Yesu eka hinkwavo lava languteleke ku kutsuriwa ka Israele, emutini wa Yerusalema.

Timhaka 28:15

Na kona, loko vamakwerhu va twa timhaka ta hina, va ta ta hlangana na hina entsendzeleni wa Apiyo ni Tihotela Tinharhu; kuteloko Pawulo a va vona, a khensa Xikwembu, a tiyisa mbilu.

Pisalema 37:7

Miyela emahlweni ka Yehovha, u langutela yena; U nga kariheli munhu la katekeke endleleni ya yena, La hetisaka makungu layo biha ya yena.