Pisalema 25:2 - Xitsonga (Bibele)

² Xikwembu xanga! Ndzi vekile ku tshemba ka mina eka wena; Ndzi nga tshuki ndzi khomiwa hi tingana. Lava nga valala eka mina, va nga tshuki va tsaka ha mina!

BIBELE Mahungu Lamanene

² We Xikwembu xanga, ndzi tshembile wena; u nga pfumeli leswaku ndzi khomiwa hi tingana, u nga ndzi tshiki ndzi hundzuka xihlekiso eka valala va mina.

Pisalema 25:2 Referans Kwoze

Varhoma 10:11

Hikuva Tsalwa ri te: “Mani na mani la pfumelaka eka yena, a nga ka a nga khomiwi hi tingana.”

Pisalema 41:11

Hi laha ndzi nga ta tiva leswaku wa ndzi rhandza, Loko nala wa mina a nga ti dzunisi ha mina.

Pisalema 71:1

Yehovha! Ndzi chavela eka wena; Ndzi nga tshuki ndzi va ni tingana, ni siku ni rin'we!

Varhoma 5:5

kutani ku langutela a ku khomisi munhu tingana, hikuva rirhandzu ra Xikwembu ri cheriwile etimbilwini ta hina hi Moya lowo Kwetsima lowu hi wu nyikiweke.

Pisalema 22:5

Va huwelele eka wena, kutani va ponisiwile; Va titshembele wena, kutani a va khomiwanga hi tingana.

Pisalema 142:6

Yingisa ku vilela ka mina! Hikuva ndzi ni masangu lamakulu. U ndzi kutsula eka vaxanisi va mina, Hikuva va ndzi tlula hi matimba.

Pisalema 31:1

Yehovha, ndzi chavela eka wena: Ndzi nga khomiwi hi tingana ni siku ni rin'we! Ndzi tshunxe eku lulameni ka wena!

Esaya 37:35

Ndzi ta sirheleta muti lowo ku wu hlayisa, hikwalaho ka mina, ni hikwalaho ka Davhida, nandza wa mina.’ ”

Pisalema 34:8

Nantswani, mi va mi vona leswaku Yehovha hi lonene swonghasi! Ku katekile munhu la chavelaka eka yena.

Esaya 26:3

Eka lowa mbilu leyi tiyeke wa n'wi nyika ku rhula, ku rhula hikuva u tshembile wena.

Pisalema 94:3

Oho Yehovha, lavo homboloka, va ta fika kwihi, Lavo biha va ta tsaka ku yisa kwihi?

1 Petro 2:6

Hikwalaho, ku tsariwile Matsalweni leswaku: “Vonani, ndzi yimisa eSiyoni ribye ra yinhla, leri hlawuriweke, leri pfumariwaka; la pfumelaka eka rona, a nga ka a nga khomiwi hi tingana.”

Esaya 49:23

Tihosi ti ta va vawundli va wena, ni makosikazi va ta va vaan'wisi va wena, va ta korhamela ehansi emahlweni ka wena, va ta nantswa ntshuri wa milenge ya wena, kutani u ta swi tiva leswaku hi mina Yehovha, ni leswaku lava ndzi tshembaka va nga ka va nga vi na tingana.”

Esaya 37:20

Sweswi Yehovha, Xikwembu xa hina, wanga hi ponisa evokweni ra Senakeribi, matiko hinkwawo ya misava ma ta tiva leswaku wena Yehovha u Xikwembu, wena ntsena!”

Pisalema 37:40

Yehovha wa va pfuna, wa va kutsula; U va kutsula eka lavo biha, wa va hlayisa, Hikuva va chaverile eka yena.

Pisalema 18:2

Oho Yehovha! Ribye ra mina, ni khokholo ra mina, ni mulweri wa mina! Oho Xikwembu xanga! Ribye ra mina leri ndzi chavelaka eka rona! Xitlhangu xa mina, ni matimba lama ndzi ponisaka, ni xichavelo xa mina!

Pisalema 7:1

Yehovha, Xikwembu xa mina, ndzi chavela ka wena; Ndzi ponise ka hinkwavo lava ndzi xanisaka, u ndzi londzovota,

Pisalema 22:8

Va ku: “U titshembele Yehovha! A a n'wi tshunxe-ke! A a n'wi ponise loko a n'wi tsakela.”

Pisalema 22:1

Xikwembu xanga! Xikwembu xanga! U ndzi tshikele yini? U yimela yini hitlhelo leswaku u nga ti ndzi hlayisa, U nga ti ndzi yingisa loko ndzi huwelela?

Esaya 41:16

u ta swi hlela, moya wu va wu swi susa, kutani xihuhuri xi swi hangalasa; kambe wena u ta titsakela eka Yehovha, u ta tidzunisa eka Muhlawuleki wa Israele.

Esaya 37:10

“Mi ta vurisa sweswo eka Hezekiya, hosi ya Yuda, mi ku: ‘U nga tshuki u xisiwa hi Xikwembu xa wena lexi u xi tshembaka loko u ku: “Yerusalema, a nga ka a nga nyiketiwi emavokweni ya hosi ya Asiriya.”

Esaya 28:16

Hikwalaho Hosi Yehovha u vurisile, a ku: “Vonani, ndzi veke Siyoni ribye ra masungulo, leri ringiweke, ra le yinhleni, ra risima, leri tiyisiweke. La tiseketelaka eka rona a nga ka a nga hatlisi ku chava.

Pisalema 56:1

Oho Xikwembu, ndzi twele vusiwana, hikuva vanhu va rhandza ku ndzi mita; Va lwa na mina siku hinkwaro, va ndzi xanisa.

2 TIKRONIKA 13:18

Vana Vaisraele va tsongahatiwa enkarhini wolowo, kambe vana va Yuda va tiyisiwa hikuva va tshembile Yehovha, Xikwembu xa vatata wa vona.

Pisalema 13:5

Ni lava ndzi xanisaka va nga tshuki va tsaka loko ndzi tsekatseka. Loko ndzi ri mina, ndzi tshembile tintswalo ta wena,

Pisalema 31:2

Wa nga ndzi yingisa, u hatlisa ku ndzi ponisa! U va ribye ra mina ra xichavelo, Ni khokholo laha ndzi nga chavelaka kona.

Pisalema 31:15

Mikarhi ya mina yi le vokweni ra wena; Ndzi tshunxe emavokweni ya valala va mina, ni ya lava ndzi xanisaka.

Pisalema 91:2

Ndzi ku eka Yehovha: “U xichavelo ni khokholo ra mina, U Xikwembu xa mina, lexi ndzi xi tshembaka!”

Yeremiya 17:18

Lava ndzi xanisaka a va khomisiwe tingana, kambe mina ndzi nga tshuki ndzi khomisiwa tingana; a va rhurhumele, kambe mina ndzi nga tshuki ndzi rhurhumela. A va humeseriwe siku ra khombo, kutani u va kandziyela hi ku va kandziyela kambirhi.