Pisalema 23:6 - Xitsonga (Bibele)

⁶ Kunene, ku kateka ni tintswalo swi ta ndzi landzela Hi masiku hinkwawo ya ku hanya ka mina, Kutani ndzi ta tshama endlwini ya Yehovha hi masiku hinkwawo.

BIBELE Mahungu Lamanene

⁶ Ina, vunene ni rirhandzu ra wena swi ta ndzi sirhelela masiku hinkwawo ya ku hanya ka mina, kutani ndzi ta tshama endlwini ya wena vutomi bya mina hinkwabyo.

Pisalema 23:6 Referans Kwoze

Pisalema 27:4

Ndzi komberile xilo xin'we eka Yehovha, ndza ha xi navela ngopfu: Hi leswaku ndzi tshama endlwini ya Yehovha hi masiku hinkwawo ya ku hanya ka mina. Ndzi ta hlalela ku kwetsima ka Yehovha, Ndzi va ndzi kambisisa tempele ya yena.

2 Timotiya 4:18

Kambe Hosi yi ta hamba yi ndzi damurhuta emitirhweni hinkwayo leyo biha, yi ndzi hanyisa ku nghena eku fumeni ka yona loku nga etilweni. Ku twala a ku ve ka yena hi mikarhi ni mikarhi! Amen!

2 Vakorinto 5:1

Kambe ha swi tiva leswaku siku yindlu leyi ya hina ya misava, lexi nga xintsonganyana, yi onhakaka, hi ni vuako ematilweni eka Xikwembu, yi nga yindlu leyi nga endliwangiki hi mavoko, kambe yi ri leyi nga heriki.

Pisalema 16:11

U ta ndzi tivisa ndlela ya vutomi; Ku xurha ka ku tsaka ku kona emahlweni ka wena; Ni ku tsaka loku nga heriki evokweni ra wena ra xinene.

2 Vakorinto 1:10

xi nga xona lexi hi hanyiseke eku feni lokonghasi, xa ha ri karhi xa hi hlayisa. Kutani hi tshembile leswaku xi ta tshama xi hi hanyisa, hi ri karhi hi pfuniwa hi mikhongelo ya n'wina;

Pisalema 103:17

Kambe nsovo wa Yehovha i wa mikarhi hinkwayo eka lava n'wi chavaka, Ni ku lulama ka yena ehenhla ka vana va vana va vona;

Pisalema 17:15

Loko ndzi ri mina eku lulameni ka mina, ndzi ta hlalela mombo wa wena; Loko ndzi pfuka evurhongweni, ndzi ta xurha xivumbeko xa wena.

Vafilipiya 1:23

hikuva ndzi kokiwa hi matlhelo mambirhi, ndzi ni ku navela ku suka, leswaku ndzi va na Kriste, hikuva hi yona mhaka leyi sasekeke eka mina ku tlurisa;

Pisalema 21:4

U kombele vutomi, kutani u n'wi nyikile byona, Byi ri vutomi lebyi tiyeke, lebyi nga heriki.