Pisalema 22:31 - Xitsonga (Bibele)

³¹ Loko ri ta, ri ta vula ku lulama ka yena; Ri ta tivisa tiko leri nga ta tswariwa mitirho ya yena.

BIBELE Mahungu Lamanene

³¹ lava nga si velekiwaka va ta tivisiwa leswaku hi yena la kutsuleke Vaisraele.

Pisalema 22:31 Referans Kwoze

Pisalema 78:6

Leswaku wu ta tiviwa hi rixaka leri tlhandlamaka, Hi vana lava nga ta velekiwa, Vona va ta kula, kutani va ta byela vana va vona,

Pisalema 86:9

Matiko hinkwawo lawa u ma endleke ma ta ta, Ma ta ku khinsamela, wena Yehovha, Ma ta twarisa vito ra wena.

Varhoma 1:17

Hikuva ku hlavuteriwile eka yona, ku lulama ka Xikwembu, ku hume eku pfumeleni, ku yisa eku pfumeleni, kukotisa leswi tsariweke leswaku: “La lulameke u ta hanya hi ku pfumela.”

Pisalema 102:18

Mhaka leyi yi ta tsaleriwa rixaka leri taka, Ni tiko lerintshwa ri ta dzunisa Yehovha.

2 Vakorinto 5:21

Hlanganani na Xikwembu! Hikuva la nga tivangiki xidyoho, Xikwembu xi n'wi endle xidyoho hikwalaho ka hina, hi ta hlayiwa ha yena lava lulameke emahlweni ka Xikwembu.

Esaya 60:4

Rhalarhala matlhelo hinkwawo, u languta: Va hlengeletana hinkwavo, va ta eka wena vana va wena va huma ekule, ni vana va wena va xisati va vukarhiwa etsheveni.

Esaya 54:1

“Huwelela hi ku tsaka, wena mhika la nga velekangiki. Tsaka, u tsaka ngopfu, wena la nga siki lumiwaka eku velekeni! Hikuva vana va la tshikiweke va tele ku tlula vana va la tekiweke,” ku vula Yehovha.

Pisalema 40:9

Ndzi twarisile ku lulama enhlengeletanweni leyikulu; Vona, a ndzi pfalanga milomu ya mina, Yehovha, wa swi tiva.

Esaya 53:10

Xikwembu xi rhandzile ku n'wi tshova hi vuvabyi; loko a ta va a endlile vutomi bya yena mhamba ya swidyoho, u ta vona vatukulu, u ta lehisa masiku ya yena, kutani ntirho wa Yehovha wu ta kateka emavokweni ya yena.