Pisalema 22:16 - Xitsonga (Bibele)

¹⁶ Hikuva timbyana ti ndzi rhendzele; Vandla ra lavo biha ri ndzi rhendzele; Va tlhavile swandla swa mina ni mikondzo ya mina.

BIBELE Mahungu Lamanene

¹⁶ Ntshungu wa lavo homboloka wu ndzi rhendzele kukota timbyana, wu ndzi handzulele milenge ni mavoko.

Pisalema 22:16 Referans Kwoze

Yohane 19:37

Kambe rin'wana Tsalwa ri te: “Va ta Vona loyi va n'wi tlhaveke.”

Matewu 27:35

Kuteloko va n'wi vambile va pambulelana tinguvu ta yena, va ti hlahluva hi vuhlolotwana, leswaku ku endlakala lexi nga vuriwa hi muprofeta la nga te: “Va avelane mikhancu ya mina, ni nguvu ya mina, va yi hlahluva hi vuhlolotwana.”

Zakariya 12:10

Ndzi ta chela ehenhla ka yindlu ya Yuda ni le henhla ka vaaki va Yerusalema, moya wa tintswalo ni wa mikhongelo; kutani va ta languta eka mina loyi va n'wi tlhaveke. Va ta n'wi rilela kukota loko va rilela n'wana la nga tswariwa a ri yexe va hlomuka ngopfu ehenhla ka yena, kukotisa loko va hlomukela n'wana wa mativula.

Yohane 20:25

Kutani vadyondzisiwa van'wana va ku eka yena: “Hi vonile Hosi.” Kambe a ku eka vona: “Kungakuloko ndzi nga voni timbanga ta timhingu emavokweni ya yena, ni loko ndzi nga nghenisi ritiho ranga etimbangeni ta timhingu, ndzi nghenisa ni voko etsheveni ra yena, ndzi nga ka ndzi nga pfumeri.”

Yohane 19:23

Kuteloko tinhenha ti vambile Yesu, ti teka tinguvu ta yena ti avelana ha vumune, leswaku nhenha yin'wana ni yin'wana yi va ni swa yona: va teka ni nkhancu, kambe nkhancu a wu nga rhungiwanga, wu lukiwile wu hlangene ku suka ehenhla ku fika ehansi.

Marka 15:24

Kuteloko va n'wi vambile va avelana tinguvu ta yena, va ti hlahluva hi vuhlolotwana, ku tiva leyi un'wana ni un'wana a nga ta yi kuma.

Yohane 19:34

Kambe un'wana wa tinhenha a n'wi tlhava tsheve hi fumu kutani kan'we ku huma ngati ni mati.

Luka 23:33

Kuteloko va fikile exivandleni lexi va nge i Ripala, va n'wi vamba kona ni swidyohi; xin'wana xi va evokweni ra xinene, xin'wana eka lera ximatsi.

Vafilipiya 3:2

Chavani timbyana; chavani vatirhi lavo biha; chavani ngoma ya vunwa.

Luka 23:23

Kambe va huwelela hi marito lamakulu, va kombela leswaku a vambiwa; kutani ku huwelela ka vona ni ka vaprista ku va ku hlula.

Esaya 53:5

Kambe yena, u tlhaviwile hikwalaho ka swidyoho swa hina, u tshoviwile hikwalaho ka ku homboloka ka hina, mimpfembeti leyi hi nyikaka ku rhula, yi le henhla ka yena, kutani hi tshunguriwa hi timbanga ta yena.

Pisalema 22:20

U lwela vutomi bya mina etlharini, Ni moya wa mina emin'waleni ya timbyana.

Pisalema 22:1

Xikwembu xanga! Xikwembu xanga! U ndzi tshikele yini? U yimela yini hitlhelo leswaku u nga ti ndzi hlayisa, U nga ti ndzi yingisa loko ndzi huwelela?

Yohane 20:27

Kutani a ku eka Tomasi: “Tisa ritiho ra wena la, languta ni swandla swa mina; tshambuluta ni voko ra wena u ri nghenisa etsheveni ra mina, kutani u nga kanakani, kambe u pfumela.”

Pisalema 59:6

Va vuya nimadyambu, va vukula kukota timbyana, Va rhendzelekela muti.

Nhlavutelo 22:15

Kambe ehandle, i timbyana, ni vakanganyisi, ni vaoswi ni vadlayi ni lava gandzelaka swifaniso swa swikwembu, ni hinkwavo lava rhandzaka vunwa ni lava tirhaka hi byona.

Pisalema 86:14

Oho Xikwembu, vakanganyisi va ndzi pfukele, Vandla ra vanhu lava hlundzukaka va lava vutomi bya mina; Meehleketo ya vona a yi kongomi eka wena.

Matewu 26:57

Lava nga khoma Yesu va n'wi yisa eka Kayafasi, muprista lonkulu, laha vatsari ni vakulukumba a va hlengeletanile kona.

Matewu 7:6

“Mi nga tshuki mi hoxela timbyana swilo leswi hlawuriweke, na kona mi nga tshuki mi cukumeta tidayimani ta n'wina emahlweni ka tinguluve, swi nga ri leswaku ti nga ti kandziyela hi milenge, ti hundzukela eka n'wina, ti mi kawutlula hi meno.

Yeremiya 12:6

Hikuva loko va ri varikwenu ni va yindlu ya tata wa wena, va ku xisa, kutani, na vona, va ku dzumadzumela hi rito lerikulu; ni loko va ku byela marito ya ku nandziha, u nga tshuki u va pfumela.

Pisalema 59:14

Va vuya nimadyambu, va vukula kukota timbyana, Va rhendzelekela muti.

Pisalema 38:11

Vanakulorhi ni maxaka ya mina va yimela ekule ni mbanga ya mina, Vamakwerhu va yima hitlhelo.