Pisalema 21:9 - Xitsonga (Bibele)

⁹ U va endla tani hi hondo leri pfurhaka, Esikwini leri u humelelaka ha rona; Yehovha u ta va herisa hi vukari bya yena, Kutani va ta hisiwa hi ndzilo.

BIBELE Mahungu Lamanene

⁹ Loko u humelela we mufumi, u ta fana ni malangavi ya ndzilo, HOSI Xikwembu a xi herise valala va wena, xi va hisa hi ndzilo wa vukari bya xona.

Pisalema 21:9 Referans Kwoze

Malakiya 4:1

“Hikuva vonani, siku ra ta, leri hisaka ku fana ni ndzilo wa xitiko, kutani vatikukumuxi hinkwavo ni hinkwavo lava endlaka swo biha va ta kotisa byanyi bya ku oma; siku leri taka ri ta va hisa, ku vula Yehovha wa mavandla, a ku nga ha sali ni rimitsu, kumbe rhavi.

Pisalema 50:3

Xikwembu xa hina xa ta, xi nga ka xi nga miyeli; Emahlweni ka xona ku ni ndzilo lowu pfurhaka, Xi rhendzeriwe exikarhi hi xidzedze lexa matimba.

Pisalema 18:8

Ku tlhandluka musi etinhompfini ta yena, Ni ndzilo lowu lovisaka enon'wini wa yena; Ku huma ka wona makala lama vavamelaka.

2 Vatesalonika 1:8

hi ndzilo lowu pfurhaka, ku rihisa lava nga tiviki Xikwembu, ni lava nga yingisiki Evhangeli ya Yesu Kriste, Hosi ya hina.

Swirilo 2:2

Hosi yi mbundzuxile miako hinkwayo ya Yakobo, a nga tsetselelanga nchumu; U mbundzuxile hi vukari lebyi pfurhaka bya yena makhokholo ya nhwanyana wa Yuda, U ma wisele ehansi, A onha ku fuma ni tihosi ta kona.

Nahume 1:6

Vukari bya yena byi nga yimela hi mani, naswona i mani la nga tiyaka eku pfurheni ka vukari bya yena? Vukari bya yena byi halaka ku fana ni ndzilo, hi yena a wisaka tintshava ta maribye ehansi.

Esaya 26:11

Yehovha, voko ra wena ri ni matimba, kambe a va ri voni. Va ta vona ku hiseka ka wena loku u hisekelaka tiko ra wena hakona, kutani va ta va ni tingana. Ndzilo wu ta hisa lava nga valala eka wena.

Pisalema 2:12

Ntswontswani n'wana, leswaku a nga ti kariha, Kutani mi lova etindleleni ta n'wina, Hikuva vukari bya yena bya hatlisa ku pfurha. Va katekile hinkwavo lava chavelaka ka yena!

Pisalema 2:5

U ta vulavula na vona hi ku kariha ka yena, A va chavisa hi ku pfurha ka vukari bya yena.

Duteronoma 32:22

Hikuva ndzilo wa vukari bya mina wu tshiveriwile, Wu ta pfurha ku fikela endhawini ya lava feke, Wu ta hisa misava ni mihandzu ya yona, Wu hisa ni masungulo ya tintshava.

Nhlavutelo 20:14

Kutani rifu ni xivandla xa vafi swi hoxiwa etiveni ra ndzilo; hi rona rifu ra vumbirhi, tiva ra ndzilo.

Nhlavutelo 19:15

Enon'wini wa yena ku hume tlhari lero kariha, a ta ba matiko ha rona; hi yena la nga ta ma risa hi nhonga ya nhumbu; kambe hi yena la nga ta khuvuta exikhuvutweni xa vhinyo ya ku leva, ni ya vukari bya Xikwembu xa matimba hinkwawo.

1 Vatesalonika 2:16

va hi arisile ku dyondzisa vamatiko leswaku va nga kumi ku hlayiseka, va ri karhi va engetela hi masiku swidyoho swa vona, kambe eku heteleleni, ku kariha ka Xikwembu ku va wela ehenhla.

Matewu 25:46

Kutani valavo va ta ya eku biweni loku nga heriki; kambe lavo lulama va ta ya evutomini lebyi nga heriki.”

Matewu 25:41

“Kutani u ta ku eka lava nga evokweni ra yena ra ximatsi: ‘Sukani ha mina, n'wina lava rhukaniweke; yanani endzilweni lowu nga timekiki, lowu lunghiseriweke Diyavulosi ni tintsumi ta yena;

Matewu 22:7

Kutani hosi, loko yi twa timhaka leti, yi kariha yi rhuma mavandla ya yona ku ya lovisa vadlayi valavo, yi hisa ni muti wa vona.

Matewu 13:50

ti va cukumeta ekheleni ra ndzilo laha mikosi yi nga ta va kona, ni ku getsela ka meno.”

Matewu 13:42

Ti ta va cukumeta ekheleni ra ndzilo, laha mikosi yi nga ta va kona, ni ku getsela ka meno.

Matewu 3:12

Rihlelo ra yena ri le vokweni ra yena, kutani u ta kukula swinenenene xivuya xa yena, u ta hlengeleta mavele ya yena enguleni, mungu, wona, u ta wu hisa endzilweni lowu nga timekiki.”

Matewu 3:10

Kambe xihloka xi vekiwile etimitswini ta mirhi; murhi wun'wana ni wun'wana lowu nga tswariki mihandzu leyo saseka, wu ta tsemiwa, wu hoxiwa endzilweni.

Pisalema 106:17

Misava yi handzuka, yi mita Datani, Yi funengeta ntlawa wa Abirama.

Ntirho 6:3

A swi ta tlula sava ra lwandle hi ku tika, Hikwalaho marito ya mina ma hungukile!

Genesa 19:28

Kutani a languta tlhelo ra Sodoma na Gomora, ni ra tiko hinkwaro ra rivala, kutani a vona musi wa misava wu tlhlandlukela ehenhla, wu fana ni musi wa xivumbi.

Ezra 6:12

Kutani Xikwembu lexi akiseke vito ra xona kona, a xi wisele ehansi hosi yin'wana ni yin'wana, ni tiko rin'wana ni rin'wana leri nga ta tlakusa voko ku hambuxa mhaka leyi, ni ku onha yindlu yoleyo ya Xikwembu leyi nga eYerusalema. Mina, Dariyosi ndzi swi lerisile; endlani hakona sweswi.”

Pisalema 18:38

Ndzi va kandziyela, va hluleka ku pfuka; Va wa ehansi ka mikondzo ya mina.