Pisalema 20:8 - Xitsonga (Bibele)

⁸ Vona va oveka va wa ehansi, Kambe hina hi ta pfuka, hi yima hi tiya kona.

BIBELE Mahungu Lamanene

⁸ Va ta hela matimba, va wa, kambe hina hi ta yima hi ku tsèrhè!

Pisalema 20:8 Referans Kwoze

Pisalema 125:1

Lava tshembaka Yehovha Va fana ni ntshava ya Siyoni; yi nga ka yi nga tsekatseki, Yi ta tiya hi laha ku nga heriki!

Mikiya 7:8

U nga tshuki u tsakela khombo ra mina, wena u nga nala eka mina! Hikuva hambi ndzi wile, ndzi ta tlhela ndzi yima; ni loko ndzi tshamile emunyameni, Yehovha i ku vonakala ka mina.

Vaavanyisi 5:31

“Oho! Yehovha! Valala hinkwavo va wena a va lovisiwe sweswo! Loko, va ri lava ku rhandzaka, va ta fana ni dyambu, Loko ri tsuvuka ematimbeni ya rona.” Kutani tiko ri etlela hi malembe ya mune wa makume.

Yoxuwa 11:4

Kutani va huma vona, ni tinyimpi hinkwato ta vona, byi ri vunyingi lebyikulu ngopfu, byi fana ni sava leri nga eribuwini ra lwandle va ri ni tihanci, ni tigolonyi leto tala ngopfu.

1 SAMIELE 17:45

Davhida a hlamula a ku eka Mufilista: “U tile eka mina hi banga, ni tlhari, ni ntlhuvana, kambe mina ndzi ta eka wena hi vito ra Yehovha wa mavandla, ni ra Xikwembu xa tinyimpi ta Israele leti u ti sandzeke.

2 TIHOSI 19:23

Hi tintsumi ta wena, u monyile Hosi, u ku: “Hi vunyingi bya tigolonyi ta mina, ndzi khandziyile enhlohlorhini ya tintshava, ndzi nghenile laha-ke enteke ka Lebanoni; ndzi ta tsema mirhi ya kedari leyikulu, ni mirhi leyo saseka ya kipresi. Ndzi ta fika endhawini ya yena ya ku hetelela, exihlahleni xa yena lexo saseka ngopfu!

2 TIKRONIKA 14:10

Asa a huma nyimpi ku ya hlangana na yena, kutani va tilunghisela ku lwa enkoveni wa Sefata, ekusuhi na Marexa.

2 TIKRONIKA 14:11

Asa a khongela Yehovha, Xikwembu xa yena, a ku: “Oho Yehovha! Handle ka wena, a ku na un'wana la kotaka ku pfuna la nga riki na matimba loko a pfukiwa hi Lowa matimba. Hi pfune wee Yehovha, Xikwembu xa hina! Hikuva hi tshemba wena, kutani hi humile nyimpi hi vito ra wena ku ta lwa ni vunyingi lebyi. Hi wena Yehovha Xikwembu xa hina; u nga tshuki u hluriwa hi munhu!”

Ezra 8:22

Hikuva a ndzi ri ni tingana ku kombela vandla ra tinhenha, ni vakhandziyi va tihanci eka hosi, leswaku va hi lwela eka valala endleleni, hikuva a hi byerile hosi, hi ku: “Voko ra Xikwembu xa hina ri yimela hinkwavo lava xi lavaka, kasi matimba ni vukari bya xona byi lwa ni hinkwavo lava xi fularhelaka.”

Pisalema 33:16

Hosi a yi ponisiwi hi nyimpi leyikulu, Nhenha a yi tshunxiwi hi matimba lamakulu

Pisalema 33:17

Hanci ya hluleka ku ponisa, Munhu a nga hlayisiwi hi matimba hinkwawo ya yona.

Pisalema 124:8

Ku pfuniwa ka hina ku le vitweni ra Yehovha La endleke tilo ni misava.

Swivuriso 21:31

Hanci yi lunghiseriwa siku ra nyimpi, Kambe ku pona i ka Yehovha.

Hosiya 14:4

Ndzi ta horisa vuhundzuki bya vona ndzi va rhandza hi mbilu hinkwayo ya mina; hikuva vukari bya mina byi sukile eka vona.