Pisalema 19:4 - Xitsonga (Bibele)

⁴ Ku twakala ka swona ku hangalakile emisaveni hinkwayo, Marito ya swona ma yile emakun'wini ya misava. Xi akele dyambu ntsonga wa rona kona.

BIBELE Mahungu Lamanene

⁴ kambe ku vulavula ka swona ku hangalaka emisaveni hinkwayo, ni marungulo ya swona ma fika evugimamusi. Kona kwale, Xikwembu xi dzimele dyambu entsonga:

Pisalema 19:4 Referans Kwoze

Varhoma 10:18

Kambe ndzi ri: “Xana a va ri twanga xana?” E-e va ri twile: “Mpfumawulo wa vona wu vile emisaveni hinkwayo, ni marito ya vona ma twakale emakun'wini ya misava.”

Malakiya 4:2

“Kambe loko mi ri n'wina lava chavaka vito ra mina dyambu ra ku lalama ri ta huma ri ri ni ku hanyisa etimpapeni ta rona; mi ta huma, mi tlula ku fana ni marhole ya le tshangeni.

Pisalema 104:2

U tifunengete hi ku vonakala kukotisa nkumba, U andlale matilo kukotisa tende.

Pisalema 98:3

U anakanyile tintswalo ta yena, Ni vunene bya yena eka yindlu ya Israele; Makumu hinkwawo ya misava ma vonile ku hlayiseka ka Xikwembu xa hina.

Esaya 49:6

U ri: “A swi ringani leswaku u va nandza wa mina ku pfuxa tinxaka ta Yakobo ni ku vuyisa lava poneke va Israele; ndzi ta endla ha wena ku vonakala ka matiko, ku fikisa ku pona ka mina emakun'wini ya misava!”