Pisalema 18:44 - Xitsonga (Bibele)

⁴⁴ Loko va twa vito ra mina, va hatlisa, va yingisa, Vana va matiko i vayengi va mina;

BIBELE Mahungu Lamanene

⁴⁴ Kan'we kan'we loko va twa ta mina, va tinyiketa eka mina, vanhu vambe va ta eka mina va tilondlile,

Pisalema 18:44 Referans Kwoze

Pisalema 81:15

Lava vengaka Yehovha, a va ta titsongahata emahlweni ka yena, Nkarhi wa ku kateka ka vona a wu ta va lowu nga heriki,

Pisalema 66:3

Mi ku eka Xikwembu: “Mitirho ya wena yi chavisa swonghasi! Hikwalaho ka vukulu bya matimba ya wena, valala va wena va ku xengetela.

Duteronoma 33:29

U katekile, Israele! I mani la fanaka na wena, U nga tiko leri ponisiweke i Yehovha! Xi nga xitlhangu xa ku pfuna ka wena, Ni tlhari ra vukulu bya wena! Valala va wena va ta tsongahatiwa emahlweni ka wena, Kambe wena u ta kandziyela swivandla leswi tlakukeke swa vona!”

Ezekiele 44:7

lawa mi nga nghenisa ha wona vamatiko lava va makhuna etimbilwini, ni le nyameni, evukwetsimelweni bya mina, va tshama eka byona ku nyamisa yindlu ya mina, loko mi humesa vuswa bya mina, ni mafurha, ni ngati; hi sweswo va tlurile ntwanano wa mina hikwalaho ka manyala hinkwawo ya n'wina.

Esaya 62:8

Yehovha u hlambanyile hi voko ra yena ra xinene, hi voko ra matimba ra yena: “Ndzi nga ka ndzi nga ha nyiki valala va wena koro ya wena, leswaku va dya, kutani vana va n'eni va nga ka va nga ha nwi vhinyo ya wena, wu nga mbhandzu wa mitirho ya wena;

Pisalema 68:30

Tshinya xiharhi lexi nga enhlangeni, Ntlhambi wa tinkunzi, kun'we ni marhole ya vamatiko, Va ta khinsama ni xuma xa silivhere. Hangalasa matiko lama rhandzaka ku lwa!

2 SAMIELE 1:13

Kutani Davhida a vutisa jaha leri n'wi runguleleke timhaka leti, a ku: “U wa ka mani xana?” A hlamula, a ku: “Ndzi n'wana wa muluveri, wa ka Amaleke.”