Pisalema 18:41 - Xitsonga (Bibele)

⁴¹ Va huwelela, kambe va pfumala mulweri; Va huwelele eka Yehovha, kambe a nga va hlamulanga.

BIBELE Mahungu Lamanene

⁴¹ Va tlhava mukhosi, kambe a ku na loyi a va lamulelaka; va huwelela eka HOSI, kambe a yi va hlamuli.

Pisalema 18:41 Referans Kwoze

Swivuriso 1:28

Enkarhini wolowo va ta vitana eka mina, kambe ndzi nga ka ndzi nga hlamuli; Va ta ndzi lava, kambe va nga ka va nga ndzi kumi.

Ntirho 27:9

Xana Xikwembu xi ta twa ku huwelela ka yena, Siku a dyiwaka hi mapfalo xana?

Luka 13:25

Kutakuloko n'wini wa yindlu a nghenile, a pfarile nyangwa, n'wina mi ri handle, mi ta sungula ku gongondza, mi ku: ‘Hosi, hosi, hi pfulele!’

Zakariya 7:13

“Leswi a nga vitana, va nga twangiki, va vitanile kutani a ndzi yingisanga,” ku vula Yehovha wa tinyimpi.

Mikiya 3:4

Enkarhini lowo va ta huwelela eka Yehovha, kambe a nga va yingisi; u ta va fihlela mombo wa yena enkarhini lowo, hikuva va onhile ku famba ka vona.

Hosiya 7:14

A va huweleri hi timbilu ta vona eka mina, kambe va rila emasangwini ya vona, va hlengeletana hinkwavo enkarhini wa mavele ni byalwa kutani va ndzi fularhela.

Ezekiele 8:18

Loko ndzi ri mina, ndzi ta endla hi vukari bya mina; tihlo ra mina ri nga ka ri nga tsetseleri, ri ta pfumala tintswalo. Hambi va ta huwelela etindleveni ta mina hi rito lero tlakuka, ndzi nga ka ndzi nga va yingisi.”

Yeremiya 14:12

Hambi va nga titsona swakudya, ndzi nga ka ndzi nga yingisi ku huwelela ka vona; ni loko va ndzi humesela tiholokosta ni mihlengo, ndzi nga ka ndzi nga swi amukeri; kamba ndzi ta va heta hi tlhari, ni ndlala, ni ntungu.”

Yeremiya 11:11

“Hikwalaho, Yehovha u vula a ku: ‘Vonani, ndzi ta va humesela khombo leri va nga taka va nga poni eka rona; va ta huwelela eka mina, kambe ndzi nga ka ndzi nga va yingisi.

Esaya 1:15

Loko mi tshambuluta mavoko ya n'wina, ndzi mi sirhelela mahlo ya mina; loko mi andzisa mikhongelo ya n'wina, a ndzi yingisi; mavoko ya n'wina ma tele ngati.

Pisalema 50:22

“Twisisani-ke swilo leswi, n'wina lava rivalaka Xikwembu, Leswaku kumbe ndzi nga handzula, ku nga ri na mulweri.

Yoxuwa 10:26

Endzhaku ka swona, Yoxuwa a ti tlhava, a ti dlaya, kutani a ti hayeka emirhini ya ntlhanu, ti tshama ti hayekiwa emirhini ku fika nimadyambu.

Pisalema 118:10

Matiko hinkwawo ma ndzi rhendzele: Hi vito ra Yehovha, kunene; ndzi ta ma herisa,

Pisalema 118:11

Ma ndzi rhendzele. Hi vito ra Yehovha, kunene, ndzi ta ma herisa,