Pisalema 18:30 - Xitsonga (Bibele)

³⁰ Tindlela ta Xikwembu ti lulamile, Rito ra Yehovha ri hlawulekile; I xitlhangu eka hinkwavo lava titshembeleke yena.

BIBELE Mahungu Lamanene

³⁰ Tindlela ta Xikwembu ti hetisekile; leswi HOSI yi swi vulaka, swi kumeka swi tiyile; hi yona xitlhangu xa hinkwavo lava tumbelaka eka yona.

Pisalema 18:30 Referans Kwoze

Duteronoma 32:4

“Yehovha i Ribye lero tiya; mitirho ya yena yi hetisekile; Hikuva tindlela hinkwato ta yena ti lulamile! I Xikwembu xo tshembeka, a xi na nandzu; Xi ni vunene, xi lulamile,

Swivuriso 30:5

Marito hinkwawo ya Xikwembu ma ringiwile efulweni, I xitlhangu eka lava chavelaka eka xona.

2 SAMIELE 22:31

“Ndlela ya Xikwembu yi lulamile, Rito ra Yehovha ri hlawulekile; I xitlhangu xa hinkwavo lava chavelaka ka yena.

Pisalema 12:6

Marito ya Yehovha i marito layo tenga; I ntsopfu lowu basisiweke entshengelweni, Lowu nyukisiweke kantlhanu na kambirhi.

Nhlavutelo 15:3

Va yimbelela risimu ra Muxe, nandza wa Xikwembu, ni risimu ra Xinyimpfana, va ku: “Hi leyikulu, ya hlamarisa, mitirho ya wena, Hosi, Xikwembu xa matimba hinkwawo! Oho! Hosi ya matiko, tindlela ta wena ti lulamile ti tshembekile swonghasi!

Pisalema 119:140

Rito ra wena ri tengile hi ku tlurisa, Ri rhandziwa hi nandza wa wena.

Daniele 4:37

Sweswi, mina, Nebukadnetsara, ndza dzunisa, ndza vonga, ndza kurisa Hosi ya le matilweni hikuva mitirho ya yena i ya xiviri, ni tindlela ta yena i ku lulama, kutani u ni matimba ya ku tsongahata lava fambaka hi ku tikurisa.

Pisalema 25:10

Tindlela hinkwato ta Yehovha i tintswalo ni ku tshembeka, Eka hinkwavo lava hlayisaka ntwanano wa yena ni swileriso swa yena.

Pisalema 18:2

Oho Yehovha! Ribye ra mina, ni khokholo ra mina, ni mulweri wa mina! Oho Xikwembu xanga! Ribye ra mina leri ndzi chavelaka eka rona! Xitlhangu xa mina, ni matimba lama ndzi ponisaka, ni xichavelo xa mina!

Varhoma 12:2

Mi nga tshuki mi tifanisa ni misava leyi, kambe mi hundzuka hi vuntshwa bya miehleketo ya n'wina, mi ta twisisa hakona leswaku ku rhandza ka Xikwembu, hi lokunene, ka tsakisa, ku hetisekile.

Pisalema 17:7

Kombisa tintswalo ta wena, wena la hlayisaka lava chavelaka ka wena; Hi voko ra xinene ra wena, u va lwela eka valala va vona.