Pisalema 149:2 - Xitsonga (Bibele)

² Israele a a tsakele muvumbi wa yena, Vana va Siyoni a va tsakele hosi ya vona!

BIBELE Mahungu Lamanene

² N'wina Vaisraele, tsakelani Muvumbi wa n'wina, tlangelani Loyi a mi fumaka n'wina va le Siyoni.

Pisalema 149:2 Referans Kwoze

Esaya 54:5

Hikuva nuna wa wena, hi loyi a ku endleke, vito ra yena i Yehovha wa tinyimpi. Mukutsuri wa wena hi la hlawulekeke wa Israele, u ta vuriwa Xikwembu xa misava hinkwayo.

Esaya 52:7

Yi sasekile swonghasi etintshaveni, milenge ya loyi a tisaka timhaka to nandziha, la vulavulaka swo rhula, ya loyi a tisaka timhaka leti tsakisaka, loyi a vulaka swa vutomi, loyi a byelaka Siyoni, a ku: “Xikwembu xa wena xa fuma!”

Pisalema 95:6

Tanani, hi khinsama, a hi korhameni, Hi khinsamela Yehovha, muvumbi wa hina,

Luka 19:38

“A ku khensiwe Hosi leyi taka hi vito ra Yehovha! Ku rhula a ku ve ematilweni, ni ku kwetsima ematilweni lama nge henhlahenhla.”

Zakariya 9:9

Tsaka ngopfu, mbhuri ya Siyoni; u ba mikulungwana, n'wana wa Yerusalema! Vona, hosi ya wena hi leyi; yi ta eka wena, hi la lulameke la nga ni ku hlayiseka, i xisiwana; la khandziyeke mbhongolo, xi nga ximbhongolwana xa xisati.

Yuwele 2:23

Na n'wina vana va Siyoni, tsakani, mi tsaka ngopfu eka Yehovha, Xikwembu xa n'wina, hikuva u ta mi nyika hilaha ku fanelaka e timpfula letikulu, u ta mi nisela timpfula, timpfula ta rihunga, ni ta xirimo; hi wona masungulo.

Ntirho 35:10

Kambe a va vutisi, va ku: ‘Xikwembu, muvumbi wa mina u kwihi-ke? Xona lexi nyikaka munhu nivusiku tinsimu ta ku tsaka,

Pisalema 47:6

Yimbelelani Xikwembu, yimbelelani! Yimbelelani hosi ya hina, yimbelelani!

1 SAMIELE 12:22

Hikuva Yehovha a nga ka a nga tshiki tiko ra yena hikwalaho ka vito ra yena lerikulu, hi leswi Yehovha a titsakeleke ku mi endla tiko ra yena.

Duteronoma 12:7

Mi ta dya kona emahlweni ka Yehovha, Xikwembu xa n'wina, mi titsakela, mi ri ni mindyangu ya n'wina, eswilweni hinkwaswo leswi mi nga ta swi endla, leswi Yehovha, Xikwembu xa wena, a ku katekiseke ha swona.

Nhlavutelo 19:6

Kutani ndzi twa rito leri fanaka ni ra vunyingi lebyikulu, ri kotisa mpfumawulo wa mati layo tala, ni leswo ngi i rito ra tindlati leto pfuma ngopfu, ri ku: “Aleluya! Hikuva ku fuma Hosi Xikwembu xa hina xa matimba hinkwawo.

Vafilipiya 3:3

Hikuva hi hina hi nga ngoma leyinene, hina lava hi tirhelaka Xikwembu emoyeni, lava hi tidzunisaka ha Yesu Kriste, lava hi nga titshembiki enyameni.

Yohane 19:15

Kambe va huwelela, va ku: “N'wi suse, n'wi suse, u n'wi vambe!” Pilato a ku eka vona: “Ndzi ta vamba hosi ya n'wina xana?” Vaprista lavakulu va hlamula, va ku: “A hi na hosi yimbe loko a nga ri Khezari.”

Luka 19:27

Loko va ri valala va mina lava nga swi rhandziki leswaku ndzi va fuma, va tiseni kwala, mi va dlaya emahlweni ka mina.’ ”

Matewu 25:34

“Hilaha Hosi yi nga ta byela va le vokweni ra yena ra xinene, yi ku: ‘Tanani n'wina lava katekisiweke hi Tatana, amukelani ndzhaka ya ku fuma, leyi mi nga lunghiseriwa kaharhi loko misava yi tumbuluka;

Matewu 21:5

“Byelani N'wana Siyoni, mi ku: Waswivo, Hosi ya wena hi yona leyi taka eka wena yi olovile, yi khandziyile mbhongolo, n'wana wa mbhongolo.”

Esaya 43:15

Hi mina Yehovha, Muhlawuleki wa n'wina, Muendli wa Israele, Hosi ya n'wina!”

Habakuku 1:12

Xana a hi wena wa ku sungula wena, Yehovha, Xikwembu xa mina, Mukwetsimi wa mina? Hi nga ka hi nga fi! Oho Yehovha! Tiko lero u ri vekele ku avanyisiwa; wena, Ribye ra mina, u lunghisele rona ku tshinyiwa.

Sofoniya 3:14

Yimbelela hi ku tsaka, nhwanyana wa Siyoni! Israele, huwelela, u tsaka! U va u tsakisisa hi mbilu hinkwayo wena nhwanyana wa Yerusalema!

Sofoniya 3:15

Yehovha u susile ku avanyisiwa ka wena, u hlule loyi a nga nala eka wena; hosi ya Israele, Yehovha, u le xikarhi ka wena: a ku nga ha tshami u vona makhombo.