Pisalema 148:14 - Xitsonga (Bibele)

¹⁴ U tiyisa rimhondzo ra tiko ra yena; U ta dzunisiwa hi hinkwavo lava n'wi rhandzaka, Va nga vana va Israele, tiko leri nga ekusuhi na yena. Dzunisani Yehovha!

BIBELE Mahungu Lamanene

¹⁴ Xi tiyisile Vaisraele vanhu va xona, vona hinkwavo lava va xi tshembaka, kutani va tidzunisa ha swona, hikuva xi le kusuhi na vona. Dzunisani HOSI!

Pisalema 148:14 Referans Kwoze

Pisalema 75:10

Kutani ndzi ta wisa matimba hinkwawo ya lavo biha; Matimba ya lavo lulama ma ta tlakusiwa!

Vaefesa 2:17

Kutani leswi a nga ta, a vula ku rhula eka n'wina valavo ingi mi ri ekule, ni ku rhula eka lava ingi va ri ekusuhi;

Duteronoma 4:7

Hikuva i rihi tiko lerikulu leri swikwembu swa rona swi nga ekusuhi na rona, kukotisa leswi Yehovha, Xikwembu xa hina, xi nga ekusuhi na hina, hi masiku hinkwawo loko hi xi khongela?

1 SAMIELE 2:1

Kavaloko Hana a khongela, a ku: “Mbilu yanga yi titsakela eka Yehovha. Matimba ya mina ma tlakusiwa hi Yehovha, Nomu wa mina wu tipfulele valala va mina; Hikuva ndza titsakela eku hlayisekeni ka wena.

1 Petro 2:9

Kambe loko mi ri n'wina, mi rixaka leri hlawuriweke, mi vaprista va Hosi, mi tiko lero kwetsima, tiko leri xaviweke, leswaku mi twarisa matimba ya la mi vitaneke ku huma emunyameni, mi ya nghena eku vonakaleni ka yena loku hlamarisaka;

Duteronoma 10:21

Ku dzuna ka wena, hi xona Xikwembu xa wena; hi xona lexi nga ku endlela timhaka letikulu ni leti chavisaka leti u ti voneke hi mahlo ya wena.

Pisalema 112:9

A avela, a nyika swisiwana; Ku lulama ka yena i ka masiku hinkwawo; Rimhondzo ra yena ri yima hi ku kwetsima.

Vaefesa 2:13

Kambe sweswi, eka Yesu Kriste, n'wina valavo ingi mi ri ekule khale, mi tshinetiwile hi ngati ya Kriste,

Pisalema 149:9

Va hetisa ka vona ku avanyisa loku tsariweke! Hi kona ku twala loku hlayiseriweke vahlawuriwa va yena hinkwavo. Dzunisani Yehovha!

Vaefesa 2:19

Kutani sweswi, a ma ha ri vaendzi kumbe vatsendzeleki, kambe mi va muti wun'we ni vakwetsimi; mi va yindlu ya Xikwembu,

Luka 2:32

leswaku ku ve ku vonakala loku nga ta voninga matiko, ni ku kwetsima ka Israele, tiko ra wena.”

Luka 1:52

U wisile tihosi eswitshan'weni swa tona, u tlakusile lavatsongo;

Yeremiya 17:14

Oho Yehovha, ndzi horise, leswaku ndzi hanya; u ndzi ponisa, kutani ndzi ta ponisiwa.

Pisalema 145:10

Yehovha, mitirho ya wena hinkwayo ya ku dzunisa, Ni lava ku rhandzaka va ku vonga!

Pisalema 92:10

U tlakusa rimhondzo ra mina kukota ra nyarhi; Ndzi totiwile hi mafurha lamantshwa ya munyatsi.

Pisalema 89:17

Hikuva u ku kwetsima ka matimba ya rona. Hi tintswalo ta wena, u tlakusa rimhondzo ra hina,

Pisalema 89:18

Hikuva xitlhangu xa hina i Yehovha, Mukwetsimi wa Israele i Hosi ya hina.