Pisalema 147:5 - Xitsonga (Bibele)

⁵ Hosi ya hina yi kulukumba; matimba ya yona makulu ngopfu, Vutlhari bya yona a byi na ku pimiwa.

BIBELE Mahungu Lamanene

⁵ Xikwembu N'wini wa hina i xikulu, xi ni matimba ngopfu, vutlhari bya xona a byi pimeki.

Pisalema 147:5 Referans Kwoze

Esaya 40:28

A ku swi tivi xana? A ku swi twanga xana? I Xikwembu lexi nga heriki, yena Yehovha la tumbuluxeke makumu ya misava; a nga karhali, a nga heri matimba, a nga kona la kambeke vutlhari bya yena.

Pisalema 96:4

Hikuva Yehovha hi lonkulu, wa dzuneka ngopfu, Wa chavisa ku tlurisa swikwembu hinkwaswo;

Varhoma 11:33

Oho! A hi ku enta ka rifuwo, ni ka vutlhari, ni ka vutivi bya Xikwembu! Ku avanyisa ka xona a ku twisisiwi, ni tindlela ta xona a ti tiviwi!

Nahume 1:3

Yehovha u lehe mbilu, i nkulu ngopfu, loko a landzulela munhu nandzu wa yena. Yehovha! ... Ndlela ya yena yi le xikarhi ka xidzedze ni ndhambi, mapapa i ntshuri wa milenge ya yena.

Pisalema 48:1

Yehovha u nkulukumba, U faneriwe hi ku vongiwa hinkwako, Emutini wa Xikwembu xa hina, entshaveni ya xona ya ku kwetsima.

Pisalema 40:5

Wena Yehovha, Xikwembu xanga, u andzisile ngopfu Masingita ni makungu ya wena ehenhla ka hina; Swa hi hlula ku ma hlaya emahlweni ka wena. Hambi ndzi rhandza ku ma hlaya ni ku ma vula, Ntsengo wa wona wu tlula leswi nga hlayiwaka.

Yeremiya 10:6

A ku na la fanaka na wena Yehovha; u nkulukumba; vito ra wena ri tlakukile hikwalaho ka matimba.

1 TIKRONIKA 16:25

Hikuva Yehovha u nkulukumba, u fanele ku dzunisiwa, Wa chavisa ku tlurisa swikwembu hinkwaswo;

Nhlavutelo 15:3

Va yimbelela risimu ra Muxe, nandza wa Xikwembu, ni risimu ra Xinyimpfana, va ku: “Hi leyikulu, ya hlamarisa, mitirho ya wena, Hosi, Xikwembu xa matimba hinkwawo! Oho! Hosi ya matiko, tindlela ta wena ti lulamile ti tshembekile swonghasi!

Pisalema 145:3

Yehovha u nkulukumba, u faneriwa hi ku vongiwa hinkwako; Vukulukumba bya yena a byi na ku pimiwa:

Pisalema 99:2

Yehovha u lonkulu eSiyoni, U tlakukile ehenhla ka matiko hinkwawo.

Pisalema 135:5

Ndzi tiva leswaku Yehovha i nkulukumba, Hosi ya hina yi kulukumba ngopfu ku tlula swikwembu hinkwaswo.

Ntirho 36:5

“Vona, Xikwembu xi ni matimba, kambe a xi tengisi munhu; Xikulu hi matimba ya ku twisisa ka xona.

Yeremiya 10:7

I mani la nga ku chaviki, wena hosi ya matiko? Hikuva u fanela hi ku chaviwa, hikuva exikarhi ka lava tlhariheke hinkwavo eka vamatiko, ni le xikarhi ka ku fuma hinkwako ka kona, a ku na la fanaka na wena.

Daniele 2:20

Daniele a vulavula, a ku: “A ku khensiwe vito ra Xikwembu hi mikarhi ni mikarhi leyi nga heriki, hikuva vutlhari ni matimba swi le ka xona.