Pisalema 145:6 - Xitsonga (Bibele)

⁶ Vanhu va ta vula mitirho leyi chavisaka ya wena, Mina ndzi vula vukulu bya wena.

BIBELE Mahungu Lamanene

⁶ Mintirho ya wena leyo chavisa ya matimba, vanhu va ta yi twarisa, na mina ndzi ta vula vukulukumba bya wena.

Pisalema 145:6 Referans Kwoze

Habakuku 2:14

Hikuva misava yi ta tala hi ku tiva ka ku kwetsima ka Yehovha, ku fana ni mati loko ma funengeta lwandle.

Pisalema 113:3

Ku sukela evuxeni ku fika evupeladyambu, A ku vongiwe vito ra Yehovha!

Yeremiya 50:28

Rito ra lava balekeke ni ra lava poneke etikweni ra Babilona ri twakala eSiyoni, vanhu va kona va byeriwa ku rihisa ka Yehovha Xikwembu xa hina, ku tirihisela tempele ya yena.

Pisalema 66:3

Mi ku eka Xikwembu: “Mitirho ya wena yi chavisa swonghasi! Hikwalaho ka vukulu bya matimba ya wena, valala va wena va ku xengetela.

Pisalema 22:31

Loko ri ta, ri ta vula ku lulama ka yena; Ri ta tivisa tiko leri nga ta tswariwa mitirho ya yena.

Pisalema 22:27

Matlhelo hinkwawo ya misava ma ta tsundzuka Yehovha, ma hundzulukela ka yena. Ni tinxaka hinkwato ta matiko ti ta khinsama emahlweni ka yena.

Ezra 1:2

“Ku vula Korexe, hosi ya Vaperesi: Yehovha, Xikwembu xa le matilweni, xi ndzi nyikile vuhosi hinkwabyo bya misava; kambe xi ndzi lerisile leswaku ndzi n'wi akela yindlu eYerusalema, etikweni ra Yuda.

Duteronoma 32:3

Hikuva ndzi ta vula vito ra Yehovha: Dzunisani Xikwembu xa hina!

1 TIKRONIKA 29:11

Eka wena Yehovha ku ve vukulu, ni matimba ni ku twala, ni ku kwetsima, ni vuhosi, hikuva hinkwaswo leswi nga etilweni ni le misaveni, swi na wena; eka wena Yehovha, ku ve ku fuma, wena la titlakuseke ku va hosi ehenhla ka swilo hinkwaswo!