Pisalema 145:10 - Xitsonga (Bibele)

¹⁰ Yehovha, mitirho ya wena hinkwayo ya ku dzunisa, Ni lava ku rhandzaka va ku vonga!

BIBELE Mahungu Lamanene

¹⁰ We HOSI, swivumbiwa swa wena hinkwaswo swi ta ku dzunisa, vahlawuriwa va wena hinkwavo va ta ku tlangela.

Pisalema 145:10 Referans Kwoze

Pisalema 19:1

Matilo ma vula ku kwetsima ka Xikwembu, Ni mpfhuka wu tivisa ntirho wa mavoko ya xona.

Pisalema 103:22

Khensani Yehovha, n'wina mitirho hinkwayo ya yena, Ematlhelweni ya ku fuma ka yena hinkwawo! Moya wanga, khensa Yehovha!

1 Petro 2:9

Kambe loko mi ri n'wina, mi rixaka leri hlawuriweke, mi vaprista va Hosi, mi tiko lero kwetsima, tiko leri xaviweke, leswaku mi twarisa matimba ya la mi vitaneke ku huma emunyameni, mi ya nghena eku vonakaleni ka yena loku hlamarisaka;

1 Petro 2:5

na n'wina, kukota maribye lama hanyaka, ma akiwa, mi va yindlu ya moya leswaku mi ta va vaprista lavo kwetsima ku ta humesa magandzelo ya moya lama tsakisaka Xikwembu ha Yesu Kriste.

Vaheveru 13:15

Hikwalaho, a hi humeseni hi masiku eka Xikwembu ha Yesu, magandzelo ya ku dzunisa, yi nga mihandzu ya milomu leyi vulaka vito ra yena.

Esaya 44:23

N'wina matiko, huwelelani hi ku tsaka hikuva Yehovha u tirhile! Swivandla swa misava leswi enteke, huwelelani! N'wina tintshava ni swihlahla, swin'we ni mirhi hinkwayo ya n'wina, banani mikulungwana, hikuva Yehovha u kutsurile Yakobo, wa tidzunisa eka Israele!

Pisalema 104:24

Oho Yehovha! Mitirho ya wena yi tarisile ku yini! U yi endlile hinkwayo hi vutlhari; Misava yi tele rifuwo ra wena.

Pisalema 97:12

N'wina valulami, tsakelani Yehovha, Mi dzunisa vito ra yena lero kwetsima.

Pisalema 68:26

“Khensani Xikwembu etinhlengeletanweni, Khensani Hosi, n'wina va rixaka ra Israele!”

Pisalema 32:11

Titsakeleni ha Yehovha, mi va mi tsakisisa, n'wina va ku lulama! Yimbelelani hi ku tsaka, n'wina hinkwenu va timbilu to lulama!

Pisalema 30:4

Yimbelelani Yehovha, n'wina lava n'wi rhandzaka, Mi dzunisa vito ra yena leri kwetsimaka, mi ri tsundzuka.

Pisalema 22:23

“N'wina lava chavaka Yehovha, n'wi vongeni! N'wina hinkwenu rixaka ra Yakobo, n'wi twariseni! Rhurhumelani emahlweni ka yena n'wina rixaka hinkwaro ra Israele!

Pisalema 30:5

Hikuva vukari bya yena i bya nkarhinyana ntsena, Kambe tintswalo ta yena, i ta vutomi hinkwabyo; Swirilo swi nga hambukela eka munhu nimadyambu, Kambe nimixo i ku tsaka.

Pisalema 57:9

Ndzi ta ku twarisa exikarhi ka tinxaka ta vanhu, we Hosi! Ndzi ta ku yimbelela exikarhi ka matiko.

Pisalema 69:35

Hikuva Yehovha u ta ponisa Siyoni u ta aka miti ya Yuda; Va ta tshama kona, va fuma tiko.

Pisalema 149:5

Lava n'wi rhandzaka a va tsake eku kwetsimeni, A va be mikulungwana ya ku tsaka eswilawini swa vona.