Pisalema 145:1 - Xitsonga (Bibele)

¹ Ndzi ta ku kurisa, Xikwembu xa mina, Hosi ya nga! Ndzi ta vonga vito ra wena hi mikarhi leyi nga yiki helo.

BIBELE Mahungu Lamanene

¹ We Xikwembu xanga, wena la fumaka, ndzi ta twarisa vukulu bya wena; minkarhi hinkwayo ndzi ta ku tlangela.

Pisalema 145:1 Referans Kwoze

Pisalema 45:6

Oho Xikwembu! Xiluvelo xa wena xi tiyile hi mikarhi ni mikarhi; Nhonga ya vuhosi bya wena i nhonga ya ku lulama.

Pisalema 30:12

Leswaku mbilu ya mina yi ku yimbelela yi nga miyeli. Yehovha, Xikwembu xa mina, ndzi ta ku dzunisa hi masiku.

Pisalema 34:1

Ndzi ta twarisa Yehovha hi masiku hinkwawo; Ku dzunisa ka yena ku ta va enon'wini wa mina hi masiku.

Matewu 25:34

“Hilaha Hosi yi nga ta byela va le vokweni ra yena ra xinene, yi ku: ‘Tanani n'wina lava katekisiweke hi Tatana, amukelani ndzhaka ya ku fuma, leyi mi nga lunghiseriwa kaharhi loko misava yi tumbuluka;

Esaya 33:22

Hikuva Yehovha i muavanyisi wa hina; Yehovha i mulawuri wa hina; Yehovha i hosi ya hina; u ta hi hlayisa!

Pisalema 45:1

Mbilu ya nga yi hisekela marito lamanene. Ndzi ku: “Ntirho wa mina i wa Hosi!” Ririmi ra nga i peni ya mutsari la tlhariheke.

Pisalema 44:4

Oho Xikwembu! U hosi ya mina: Lerisa ku ponisa ka Yakobo!

Pisalema 30:1

Yehovha, ndza ku kurisa hikuva u ndzi tshunxile; A ku tshikanga valala va mina va tsaka ha mina.

Nhlavutelo 19:16

Kutani u ni vito leri tsariweke engubyeni ni le ndzhumbini wa yena, ri nge: Hosi ya tihosi, ni Mufumi wa vafumi.

Malakiya 1:14

Kambe ku rhukaniwa muxisi, ku nga loko a hlambanya, a humesela Hosi xifuwo lexo biha, kasi lexa matsune xi kona entlhambini wa yena, hikuva ndzi Hosi leyikulu, ku vula Yehovha wa mavandla, kutani vito ra mina ri chaviwa exikarhi ka matiko.

Daniele 4:37

Sweswi, mina, Nebukadnetsara, ndza dzunisa, ndza vonga, ndza kurisa Hosi ya le matilweni hikuva mitirho ya yena i ya xiviri, ni tindlela ta yena i ku lulama, kutani u ni matimba ya ku tsongahata lava fambaka hi ku tikurisa.

Pisalema 149:2

Israele a a tsakele muvumbi wa yena, Vana va Siyoni a va tsakele hosi ya vona!

Pisalema 145:21

Nomu wa mina a wu bumabumele Yehovha, Kutani swivumbiwa hinkwaswo a swi vonge vito ra yena leri hlawuriweke, Hi masiku ni masiku lama nga heriki!

Pisalema 100:1

Huwelelani eka Yehovha hi ku tsaka, N'wina hinkwenu Vaaki va misava!

Pisalema 95:3

Hikuva Yehovha i Xikwembu lexikulu, I hosi leyikulu leyi tlulaka swikwembu hinkwaswo.

Pisalema 68:4

Yimbelelani Xikwembu, dzunisani vito ra xona, Lunghiselani loyi a fambaka exikarhi ka mananga endlela! Yehovha i vito ra yena; tsakani emahlweni ka yena!

Pisalema 52:9

Ndzi ta ku vonga hi masiku, hikuva u tirhile; Ndzi ta tshemba vito ra wena hikuva ri nene, Emahlweni ka vahlawuriwa va mina.

Pisalema 5:2

Yingisa rito ra mina loko ndzi huwelela, wena hosi yanga, ni Xikwembu xanga! Hikuva ndza ku khongela.

1 TIKRONIKA 29:13

Oho! Xikwembu xa hina! Sweswi ha ku vonga, hi dzunisa vito ra wena leri kwetsimaka.

Pisalema 5:3

Yehovha, u yingisa rito ra mina ka ha ri mixo; Wa ha ri mixo, ndzi hundzuka eka wena, ndzi languta.

Pisalema 30:2

Yehovha, Xikwembu xa mina, Ndzi huwelele eka wena, kutani u ndzi horisile.

Pisalema 75:9

Kutani mina, ndzi ta hlaya timhaka teto hi masiku ni masiku, Ndzi ta yimbelela eka Xikwembu xa Yakobo.

Pisalema 96:2

Yimbelelani Yehovha, mi dzunisa vito ra yena, Vulani siku rin'wana ni rin'wana ku hlayiseka ka yena!

Pisalema 118:28

U Xikwembu xa mina, ndzi ta ku tlangela! U Xikwembu xanga, ndzi ta ku dzunisa.

Pisalema 146:2

Ndzi ta dzunisa Yehovha loko ndza ha hanya, Ndzi ta yimbelela Xikwembu xa mina loko ndza ha ri kona.

Esaya 38:20

Yehovha u ndzi ponisile; hi ta pfumisa tingoti ta magubu ya hina hi masiku hinkwawo ya ku hanya ka hina, endlwini ya Yehovha!