Pisalema 144:13 - Xitsonga (Bibele)

¹³ Tingula ta hina ti tele swakudya swa tinxakaxaka. Tihomu ta hina ti andzile hi makume ya madzana, Ti dya emadyelweni ya hina hi madzana ya madzana.

BIBELE Mahungu Lamanene

¹³ Switlati swa hina a swi tlhemuke hi swakudya swa tinxaka-xaka. Tinyimpfu ta hina ni timbuti ta hina a ti andze emadyelweni hi madzana-dzana,

Pisalema 144:13 Referans Kwoze

Malakiya 3:10

Tisani endlwini ya vuhlayiselo ku avanyisa ka vukhume ka hinkwaswo leswi mi swi fuweke, swakudya swi va kona endlwini ya mina; mi ndzi ringa hakona, ku vula Yehovha wa mavandla, kutani mi ta vona xana ndzi nga ka ndzi nga mi pfuleri mafasitere ya tilo, ndzi va ndzi mi chululela ku kateka hi mpimo lowu tlurisaka!

Duteronoma 28:8

Yehovha u ta lerisa ku kateka leswaku ku va na wena etinguleni ta wena ni le mitirhweni hinkwayo ya mavoko va wena, kutani u ta ku katekisa emisaveni leyi Yehovha, Xikwembu xa wena, a ku nyikaka yona.

Duteronoma 28:4

Ku ta katekisiwa mihandzu ya khwiri ra wena, ni mihandzu ya misava ya wena, ni mihandzu ya mitlhambi ya wena, ya tihomu ta wena ni ya tinyimpfu ta wena.

Duteronoma 8:3

U ku tsongahatile, u ku tshikile u ri ni ndlala, u ku dyisile manna, leyi u nga yi tivangiki, leyi vatata wa wena, na vona, va nga yi tivangiki, a va a ku dyondzisa leswaku munhu a nga ka a nga hanyi hi vuswa ntsena, kambe munhu a hanya hi hinkwaswo leswi humaka enon'wini wa Xikwembu.

Levhitika 26:10

Mi ta dya leswi tshoveriweke khale, mi va mi humesa mavele ya khale ku nghenisa lamantshwa.

Levhitika 26:5

Etikweni ra n'wina, nkarhi wa ku hula wu ta hlangana ni nkarhi wa ku khuvuta ka vhinyo; ni ku khuvuta ka vhinyo ku ta hlangana ni nkarhi wa ku byala. Mi ta dya vuswa bya n'wina mi va mi xurha, mi ta aka hi ku rhula etikweni ra n'wina.