Pisalema 143:7 - Xitsonga (Bibele)

⁷ Yehovha, hatlisa u ndzi hlamula! Moya wa mina wa titivala. U nga tshuki u ndzi fihlela mombo wa wena, Leswaku ndzi nga fani ni vanhu lava xikelaka esirheni.

BIBELE Mahungu Lamanene

⁷ We HOSI hatlisa u ndzi hlamula, hikuva ndzi karhele. U nga tshuki u ndzi fularhela, hikuva ndzi nga fana ni lava yaka eku feni.

Pisalema 143:7 Referans Kwoze

Pisalema 69:17

U nga fihli mombo wa wena eka nandza wa wena! Hikuva ndzi le mahlomulweni, hatlisa ku ndzi hlamula.

Pisalema 28:1

Yehovha, ndzi huwelela eka wena! Ribye ra nga! U nga ndzi siveli tindleve ta wena: Swi nga ku, kumbexana loko u ndzi miyelela, Ndzi nga va tani hi lava ngirimelaka esirheni.

Pisalema 27:9

U nga ndzi fihleri mombo wa wena, U nga cukumeti nandza wa wena hi ku kariha; Hi wena la ndzi pfunaka; u nga ndzi lahli, u nga ndzi tshiki, Xikwembu xa ku hlayiseka ka mina.

Pisalema 71:12

Oho Xikwembu! U nga vi kule na mina! Xikwembu xanga! Hatlisa ku ta ndzi pfuna!

Esaya 38:18

Hikuva a hi xivandla xa vafi lexi ku twarisaka, a hi rifu leri ku dzunisaka, lava ngheneke esirheni a va ha languteli vutshembeki bya wena.

Pisalema 102:2

U nga ndzi fihleri mombo wa wena hi siku ra mahlomulo ya mina! Rhiya ndleve ya wena loko ndzi vitana! Hatlisa u ndzi hlamula!

Pisalema 69:3

Ndzi hele matimba hi ku huwelela, mikolo ya mina yi omile; Mahlo ya mina ma hela hi ku languta eka Xikwembu xanga.

Luka 21:26

Vanhu va ta hela matimba hi ku chava, ni ku langutela leswi nga ta tala emisaveni, hikuva matimba ya matilo ma ta tsekatseka.

Esaya 57:16

A ndzi rhandzi ku tengisa hi masiku, ni ku hlayisa vukari lebyi nga heriki, mimoya leyi ndzi yi endleke yi nga ti tshuka yi heleriwa hi matimba.

Esaya 8:17

Ndzi tshembile Yehovha la fihlelaka yindlu ya Yakobo mombo wa yena, ndzi langutela eka yena.

Pisalema 70:5

Mina, ndzi xisiwana, ndzi le khombyeni; Oho Xikwembu, ndzi hatlisele! U mupfuni wanga ni muntshunxi wanga; Yehovha, u nga hlweri!

Pisalema 40:17

Loko ndzi ri mina, ndzi xisiwana ni mupfumari; Kambe Hosi ya ndzi anakanya. U mupfuni wa nga ni mukutsuri wa nga: Xikwembu xa mina, u nga hlweri!

Pisalema 22:24

Hikuva a nga solanga ni ku nyenya la nga enhlomulweni, A nga n'wi fihlelangi mombo wa yena; Kambe u n'wi yingisile loko a huwelele eka yena.”

Pisalema 84:2

Moya wa mina wu hisekela ni ku navela rikupakupa ra yindlu ya Yehovha, Mbilu ni nyama ya mina swi huwelela eka Xikwembu lexi hanyaka.

Pisalema 69:18

Tshinelela moya wa mina, u wu kutsula, Ndzi ponise hikwalaho ka valala va mina.

Swivuriso 13:12

Ku langutela loku hlwelaka ku vavisa timbilu, Kambe ku navela, u vuya u swi kuma, i murhi wa vutomi.