Pisalema 143:11 - Xitsonga (Bibele)

¹¹ Yehovha, ndzi hanyise, hikwalaho ka vito ra wena! Hi ku lulama ka wena, humesa moya wa mina ekhombyeni.

BIBELE Mahungu Lamanene

¹¹ We HOSI, hlayisa vutomi bya mina hikwalaho ka vito ra wena; hi vunene bya wena, ndzi humese ekhombyeni.

Pisalema 143:11 Referans Kwoze

Pisalema 31:1

Yehovha, ndzi chavela eka wena: Ndzi nga khomiwi hi tingana ni siku ni rin'we! Ndzi tshunxe eku lulameni ka wena!

Pisalema 119:25

Moya wa mina wu namarhele entshurini; Ndzi hanyise hi rito ra wena!

Pisalema 119:37

Fularhisa mahlo ya mina, ma nga languti swahava, U ndzi hanyisa etindleleni ta wena!

Pisalema 71:2

Ndzi tshunxe hi ku lulama ka wena, u va u ndzi kutsula; U ndzi rhiyela ndleve, kutani u ndzi ponisa!

Habakuku 3:2

Yehovha, ndzi ti tivile timhaka ta wena, ndzi vuya ndzi chava! Oho Yehovha, ntirho wa wena u wu fikisa exikarhi ka malembe; u wu kombisa exikarhi ka malembe! Eku kariheni u tsundzuka ku tsetselela!

Pisalema 138:7

Loko ndzi famba exikarhi ka maxaniseko, wena wa ndzi hanyisa, U tshambuluta voko ra wena ku ndzi sirhelela ka vukari bya valala va mina, Kutani voko ra wena ra xinene ra ndzi ponisa.

Pisalema 119:88

Ndzi hanyise hi tintswalo ta wena, Hi kona ndzi nga ta hlayisa ku tsundzuxa ka nomu wa wena.

Pisalema 85:6

Xana u nge hi tlheriseri eku hanyeni xana? Leswaku tiko ra wena ri ku tsakela?

Pisalema 34:19

Makhombo ya la lulameke ma tele ngopfu, Kambe Yehovha u n'wi humesa eka wona hinkwawo.

Pisalema 25:11

Hikwalaho ka vito ra wena, Yehovha, U ndzi khomele ku homboloka ka mina, hikuva kukulu.

Pisalema 143:1

Yehovha, yingisa xikhongelo xa mina; U rhiya ndleve, u yingisa ku khongela ka mina! Ndzi hlamule hikwalaho ka vutshembeki bya wena, ni ku lulama ka wena.

Pisalema 119:107

Ndzi ni nhlomulo lowukulu; Ndzi hanyise, Yehovha, hi laha rito ra wena ri vuleke hakona!

Pisalema 119:40

Vona, ndzi navela swileriso swa wena. Ndzi ponise hi ku lulama ka wena!

Pisalema 25:17

Mahlomulo ya mbilu ya mina ma engetelelekile; U ndzi humesa emakhombyeni ya mina!