Pisalema 139:24 - Xitsonga (Bibele)

²⁴ Languta loko ndzi famba hi ndlela ya ku homboloka, Kutani u ndzi fambisa endleleni ya vutomi lebyi nga heriki.

BIBELE Mahungu Lamanene

²⁴ Loko u vona leswaku ndzi le ku lahlekeni, ndzi vuyise endleleni leyi nga yona minkarhi hinkwayo.

Pisalema 139:24 Referans Kwoze

Pisalema 143:10

Ndzi letele ku endla leswi rhandziwaka hi wena! Hikuva u Xikwembu xa mina. Moya wa wena lowa vunene a wu ndzi fambise endleleni ya ku lulama!

Pisalema 5:8

Yehovha, ndzi fambise eku lulameni ka wena hikwalaho ka lava lwaka na mina. U lunghisa ndlela ya mina emahlweni ka mina.

Pisalema 119:32

Ndzi ta tsutsuma endleleni ya ku lerisa ka wena, Loko u anamisile mbilu ya mina.

Pisalema 16:11

U ta ndzi tivisa ndlela ya vutomi; Ku xurha ka ku tsaka ku kona emahlweni ka wena; Ni ku tsaka loku nga heriki evokweni ra wena ra xinene.

Pisalema 143:8

Ndzi nantswise rito ra tintswalo ta wena wa ha ri mixo! Hikuva ndzi tshembile wena. Ndzi kombise ndlela leyi ndzi fanelaka ku famba ha yona! Hikuva ndzi tlhandlukisela moya wa mina eka wena.

Yohane 14:6

Yesu a ku eka yena: “Hi mina ndlela, ni ntiyiso, ni vutomi; a ku na munhu la nga taka eka Tatana, loko ku nga ri ha mina.

Swivuriso 28:26

La tshembaka mbilu ya yena i xihunguki, Kambe la fambaka evutlharini u ta hlayiseka.

Matewu 7:14

Kambe nyangwa ya vutomi yi khumile, ni ndlela leyi yaka kona yi larile, kutani lava yi kumaka, a hi vanyingi.

Vakolosa 2:6

Kutani sweswi, kukota leswi mi amukeleke Hosi Yesu Kriste, fambisani xisweswo eka yena;

Pisalema 17:3

U kambile mbilu ya mina, u yi lavisise nivusiku; U ndzi ringile, kambe a ku kumanga nchumu: Ku anakanya ka mina a ku tluli rito ra mina.

Pisalema 119:1

Ku katekile lava tengeke emahanyelweni ya vona, Lava fambaka enawini wa Yehovha!

Swivuriso 15:9

Ndlela ya lowo biha i manyala eka Yehovha, Kambe u rhandza la landzelaka ku lulama.

Pisalema 27:11

Yehovha, ndzi kombise ndlela ya wena, U ndzi fambisa endleleni leyi lulameke, Hikwalaho ka lava nga valala eka mina.