Pisalema 139:19 - Xitsonga (Bibele)

¹⁹ Oho Xikwembu, ingi loko u lovisa lowo biha! N'wina, vanhu va ngati, tshinelani kule na mina!

BIBELE Mahungu Lamanene

¹⁹ We Xikwembu, vanhu lavo homboloka u ta va herisa rini ke? N'wina mi tsakelaka ku halata ngati, sukani mi ya kule na mina!

Pisalema 139:19 Referans Kwoze

Pisalema 5:6

U herisa lava vulavulaka hi vunwa; Vanhu va ngati ni lava xisaka, va sandzeka eka Yehovha.

Esaya 11:4

U ta avanyisa xisiwana hi ku lulama, a kanela timhaka ta lavatsongo va misava hakunene. U ta ba misava hi nhonga ya nomu wa yena, a lovisa swidyohi hi moya wa nomu wa yena.

Pisalema 119:115

Tshinelani ekule na mina, n'wina lavo biha, Leswaku ndzi hlayisa ku lerisa ka Xikwembu xanga!

Pisalema 6:8

Tshinelani ekule na mina, n'wina hinkwenu lava tirhaka swo biha; Hikuva Yehovha u yingisile rito ra swirilo swa mina.

Pisalema 64:7

Kambe Xikwembu xi va copa hi miseve ya xona: Vonani, va tlhaviwa kan'we;

Pisalema 55:23

Wena Xikwembu u ta va xikisa ekheleni ra ku lova; Vanhu lava va nga va ngati ni va ku xisa, Va nga ka va nga fiki exikarhi ka masiku ya vona; Kambe mina ndzi tshembile wena.

Pisalema 9:17

Lavo homboloka va ta tlhelela exivandleni xa vafi, Ni matiko hinkwawo lama rivalaka Xikwembu.

2 Vakorinto 6:17

Hikwalaho, humani exikarhi ka vona, mi tihlawula, ku vurisa sweswo Hosi; mi nga tshuki mi khumba swa thyaka, kutani ndzi ta mi amukela.

Matewu 25:41

“Kutani u ta ku eka lava nga evokweni ra yena ra ximatsi: ‘Sukani ha mina, n'wina lava rhukaniweke; yanani endzilweni lowu nga timekiki, lowu lunghiseriweke Diyavulosi ni tintsumi ta yena;

Pisalema 94:23

U ta vuyisela ka vona ku homboloka ka vona, U ta va herisa hi vudyohi bya vona; Ina, Yehovha, Xikwembu xa hina u ta va herisa.

Matewu 7:23

Enkarhini wolowo ndzi ta va byela erivaleni, ndzi ku: ‘A ndzi mi tivanga, ni siku ni rin'we; sukani eka mina, n'wina vadyohi.’

Pisalema 9:18

Hikuva xisiwana xi nga ka xi nga rivariwi hi masiku, Kambe ku langutela ka lava nga ekhombyeni, ku nga ka ku nga lovi hi laha ku nga heriki.