Pisalema 138:7 - Xitsonga (Bibele)

⁷ Loko ndzi famba exikarhi ka maxaniseko, wena wa ndzi hanyisa, U tshambuluta voko ra wena ku ndzi sirhelela ka vukari bya valala va mina, Kutani voko ra wena ra xinene ra ndzi ponisa.

BIBELE Mahungu Lamanene

⁷ Loko ndzi tikuma ndzi rhendzeriwe hi maxangu, wa ndzi biyelela we HOSI; ni loko valala va ndzi karihela, voko ra wena ra ndzi sirhelela ri ndzi lamulela.

Pisalema 138:7 Referans Kwoze

Esaya 41:10

U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

Pisalema 85:6

Xana u nge hi tlheriseri eku hanyeni xana? Leswaku tiko ra wena ri ku tsakela?

Timhaka 2:33

Kakuloko a tlakusiwile hi voko ra xinene ra Xikwembu, u amukerile eka Tatana, ku tshembisa ka Moya lowo Kwetsima, kutani u chelerile leswi mi swi vonaka, ni leswi mi swi twaka.

Esaya 5:25

Hikwalaho vukari bya Yehovha byi pfurhele tiko ra yena, kutani u tshambulutile voko ra yena, a ri ba; tintshava ti tsekatseka, mitsumbu ya vona yi tata mitsendzele tanihi vulongo. Hambiswiritano, a nga tlhelanga evukarini bya yena, ni voko ra yena ra ha tshama ri tshambulutiwile.

Esaya 10:4

A ku salanga nchumu loko ku nga ri ku tsongahatiwa exikarhi ka lava bohiweke, kumbe ku wa exikarhi ka lava dlayiweke. Hambiswiritano, vukari bya yena a byi tlhelanga, ni voko ra yena ra ha tshambulutiwile.

Ntirho 13:15

Vonani, a nga ndzi dlaya, a ndza ha ri na ntshembo; Ntsena ndzi rhandza ku tengisa mikhuva ya mina emahlweni ka xona.

Yeremiya 51:25

“Vona, ndzi ta eka wena, ntshava ya ku onhaka, ku vula Yehovha, wena la onhaka misava hinkwayo; ndzi ta tshambuluta voko ra mina ehenhla ka wena, ndzi ku wisa emaribyeni, kutani ndzi ku hundzula ntshava leyi hisiweke;

Pisalema 60:5

Ponisa hi voko ra wena, u hi hlamula, Leswaku varhandziwa va wena va lweriwa!

Pisalema 17:7

Kombisa tintswalo ta wena, wena la hlayisaka lava chavelaka ka wena; Hi voko ra xinene ra wena, u va lwela eka valala va vona.

Pisalema 77:10

Kutani mina ndzi ri: “Leswi ndzi vavisaka, Hi leswi voko ra La nge henhlahenhla ri nga ha riki rona.”

Pisalema 44:3

Hikuva a va tekangi tiko hi tlhari ra vona, A hi voko ra vona leri nga va ponisa; Kambe i voko ra wena ra xinene, i voko ra wena ni ku vonakala ka wena, Hikuva u va rhandzile.

Pisalema 18:35

U ndzi nyikile xitlhangu xa ku hlayiseka ka wena, Voko ra wena ra xinene ri ndzi tiyisile, Kambe vunene bya wena byi ndzi kurisile.

Pisalema 56:9

Valala va mina va ta tshinela endzhaku siku ndzi nga ta huwelela; Ndza swi tiva, hikuva Xikwembu xi na mina.

Pisalema 20:6

Ni sweswi, ndza swi tiva leswaku Yehovha u hlayisa muhlawuriwa wa yena, U ta n'wi hlamula a ri ematilweni ya ku kwetsima ka yena, Hi mitirho ya ku lwela ka voko ra yena ra xinene.

Esaya 9:21

Manase a dya Efrayimi na Efrayimi a dya Manase; havambirhi va wela Yuda. Hambiswiritano, vukari bya yena a byi tlhelanga, ni voko ra yena ra ha tshambulutiwile!

Esaya 9:17

Hikwalaho Hosi yi nga ka yi nga tsakeri timbhuri ta rona, yi nga ka yi nga tsetseleri swisiwana ni tinoni ta rona; hikuva hinkwavo i vadyohi ni vabihi, milomu hinkwayo yi vulavula swisandzu ntsena. Hambiswiritano, vukari bya yena a byi si tlhela, ni voko ra yena ra ha tshambulutiwile.

Esaya 9:12

va ri Vasiriya, tlhelo ra le vuxeni, ni Vafilista tlhelo ra vupeladyambu; va ta holongela Israele hi nomu lowu ahlameke. Hambiswiritano, vukari bya yena a byi si tlhela, ni voko ra yena ra ha tshambulutiwile.

Esaya 57:16

A ndzi rhandzi ku tengisa hi masiku, ni ku hlayisa vukari lebyi nga heriki, mimoya leyi ndzi yi endleke yi nga ti tshuka yi heleriwa hi matimba.

Pisalema 18:17

A ndzi lwela eka nala wa mina lowa matimba, Ni le ka lava ndzi vengeke, lava ndzi tlulaka hi matimba.

Pisalema 18:18

Va ndzi sivelele siku ndzi nga va ekhombyeni; Kambe Yehovha u ve xongotelo ra mina.