Pisalema 137:3 - Xitsonga (Bibele)

³ Lava ngi va hi yisile evukhumbini a va kombela tinsimu eka hina, Vaxanisi va hina va kombeka tinsimu to tsaka, va ku: “Ma nga hi yimbelelela tinsimu ta Siyoni!”

BIBELE Mahungu Lamanene

³ Etindhawini teto, lava va hi yiseke evukhumbini, vona vaxanisi va hina, a va lava leswaku hi va tsakisa hi tinsimu, va hi lerisa va ku: “Yimbelelani, mi hi chayela rin'wana ra tinsimu ta le Siyoni!”

Pisalema 137:3 Referans Kwoze

Luka 21:6

“Loko xi ri lexi mi xi langutaka, ku ta ta masiku lawa ku nga ta ka ku nga tshikiwi ribye ni rin'we, ehenhla ka ribye rin'wana leri nga mbundzuxiwangiki.”

Mikiya 3:12

Hikwalaho ka nandzu wa n'wina, Siyoni u ta rimiwa kukota nsimu, Yerusalema, u ta kotisa nhulu ya maribye, ni ntshava ya yindlu ya Yehovha yi hundzuka ntshava leyi teleke hi mirhi.

Yeremiya 26:18

“Mikiya wa Morexeta u tshama a profeta enkarhini wa Hezekiya, hosi ya Yuda, a byela tiko hinkwaro ra Yuda, a ku: ‘Ku vula Yehovha wa mavandla: Siyoni u ta rimiwa kukota nsimu, Yerusalema, a va nhulu ya maribye, ntshava ya Tempele yi va mananga ya swihlahla.’

Yeremiya 9:11

“Ndzi ta endla hi Yerusalema, tinhulu ta maribye ni ndhawu ya timhungubye; ni miti ya Yuda, ndzi ta yi endla rhumbi leri pfumalaka muaki.”

Esaya 35:10

Lava kutsuriweke hi Yehovha va ta tlhela va ya Siyoni hi tinsimu ta ku tsaka, va vehele etinhlokweni ku tsaka loku nga heriki; ku kateka ni ku tsaka swi ta va hlanganisa, ku vaviseka ni nhlomulo wa mbilu swi ta baleka.

Pisalema 80:6

U hi endlile lava tengiwaka hi lava akisaneke na hina, Kutani valala va hina va hi endlile xisandzu.

Pisalema 79:1

Oho Xikwembu, va matiko va nghene endzhakeni ya wena, Va nyamisile tempele ya wena leyi kwetsimaka, Va endle Yerusalema, marhumbi.

Pisalema 65:1

Oho Xikwembu! U ta dzunisiwa hi ku rhula eSiyoni, Ku hlambanya ku ta hetisiwa eka wena.

Pisalema 9:14

Leswaku ndzi twarisa tinsimu ta wena hinkwato, Etinyangweni ta wanhwanyana wa Siyoni, Kutani ndzi ta tsakela ku hlayiseka ka wena.

Nehemiya 4:2

Kutani a vulavula emahlweni ka vamakwavo ni le mahlweni ka tinhenha ta Samariya, a ku: “Vayuda lava va swisiwana, va endla yini? Xana va titshemba swonghasi-ke? Xana va ta tlhava magandzelo-ke? Va ta heta sweswi xana? Xana va ta hanyisa maribye lama tshweke ehansi ka tinhulu leti ta ntshuri xana?”

1 TIKRONIKA 16:7

Siku lero, Davhida a sungula ku lerisa Asafa ni vamakwavo ku dzunisa Yehovha va ku:

Esaya 51:11

Vakutsuriwa va Yehovha va ta tlhela va nghena eSiyoni hi tinsimu ta ku tsaka; ku tsaka loku nga heriki ku ta va etinhlokweni ta vona, ku tsaka ni ku tsakisisa swi ta tshama na vona; ku vaviseka ni mikosi swi ta va balekela.

1 TIKRONIKA 15:27

Davhida a ambarile nguvu ya ntsembyana lowo saseka swin'we ni Valevhi hinkwavo lava rhwaleke areka, ni swiyimbeleri, na Kenaniya, mufambisi wa swiyimbeleri exikarhi ka swona, na yena Davhida a ambarile efodi ya ntsembyana.

Swivuriso 25:20

Ku funungula nguvu hi siku ra xirhami, Ni ku chela ntsuvi ehenhla ka nitra (murhi wa ku leva), I ku tlhavela mbilu ya nhlomulo tinsimu ta ku tsaka.