Pisalema 135:7 - Xitsonga (Bibele)

⁷ Hi yena la tlakusaka mapapa emakumu ka misava, La hatimisaka tilo, a nisaka mpfula, A humesaka mimoya evuhlayiselweni byakwe.

BIBELE Mahungu Lamanene

⁷ Hi xona xi tisaka mapapa ma huma evugimamusi, xi dzindzisa tilo, mpfula yi na, xi hungisa bubutsa ri huma evuhlayiselweni bya xona.

Pisalema 135:7 Referans Kwoze

Yeremiya 10:13

Loko xi tlakusa rito, mati ma hlengeletana ematilweni; kambe xi humesa tihunguva emakun'wini ya misava hi ku hatima xi nisa mpfula, kutani xi humesa moya eku fumeni ka wona.

Zakariya 10:1

Kombelani mpfula eka Yehovha hi nkarhi wa timpfula ta xirimo! Yehovha u ta humesa tihati; kutani u ta va nyika mpfula ya dzonga, a nyika un'wana ni un'wana leswi milaka ensin'wini ya yena.

Yeremiya 51:16

Hi mpfumawulo wa rito ra yena, mati ma hlengeletana ematilweni; wa humesa mapapa emakun'wini ya misava; hi tindlati u nisa mpfula, kutani u humesa moya evuhlayiselweni bya yena.

Yohane 3:8

Moya wu hungela laha wu rhandzaka kona, kutani u twa mpfumawulo wa wona, kambe a ku tivi laha wu humaka kona, ni laha wu yaka kona. Swi tano ni ka hinkwavo lava tswariweke hi Moya.”

Pisalema 148:8

Ndzilo ni xihangu; gamboko ni tihunguva, Mimoya ya xidzedze leyi hetisaka ku lerisa ka yena.

Yonasi 1:4

Kambe Yehovha a pfuxa mheho leyikulu elwandle, kutani ku pfuka xihuhuri lexikulu elwandle, byatso byi ko byi lava ku handzuka.

Yeremiya 14:22

Xana un'wana a nga va kona exikarhi ka swahava swa matiko la nisaka mpfula-ke? Kumbe tilo ri nga tinisela mpfula-ke? Xana a hi wena Yehovha Xikwembu xa hina? Na swona hi tshembile wena hikuva hi wena la endleke leswo hinkwaswo.

Pisalema 107:25

Wa vula, kutani a pfuxa moya wa xidzedze Lexi tlakusaka magandlati ya lwandle.

Ntirho 5:10

U chulula mpfula emisaveni, U chelela mati emasin'wini.

1 TIHOSI 18:1

Masiku yo tala loko ma hundzile, rito ra Yehovha ri ta eka Eliya hi lembe ra vunharhu, ri ku: “Famba u tikombisa eka Akabu, kutani ndzi ta nisa mpfula emisaveni.”

Pisalema 78:26

Xi humesa mheho ya vuxa ematilweni, Xi vitana moya wa dzonga hi matimba ya xona;