Pisalema 135:5 - Xitsonga (Bibele)

⁵ Ndzi tiva leswaku Yehovha i nkulukumba, Hosi ya hina yi kulukumba ngopfu ku tlula swikwembu hinkwaswo.

BIBELE Mahungu Lamanene

⁵ Ndza swi tiva hakunene leswaku HOSI i Xikwembu lexikulu, N'wini wa hina ú tlula swikwembu hinkwaswo hi vukulu.

Pisalema 135:5 Referans Kwoze

Pisalema 97:9

Hikuva wena Yehovha u muungameri wa misava hinkwayo, U tlakukile ngopfungopfu ehenhla ka swikwembu hinkwaswo.

Pisalema 95:3

Hikuva Yehovha i Xikwembu lexikulu, I hosi leyikulu leyi tlulaka swikwembu hinkwaswo.

Pisalema 48:1

Yehovha u nkulukumba, U faneriwe hi ku vongiwa hinkwako, Emutini wa Xikwembu xa hina, entshaveni ya xona ya ku kwetsima.

Duteronoma 10:17

hikuva Yehovha, Xikwembu xa n'wina, Xikwembu xa swikwembu ni Hosi ya tihosi, i Xikwembu lexikulu, lexa matimba, ni lexi chavisaka, lexi nga yiki hi nghohe ya vanhu, lexi nga amukeriki tinyiko;

Daniele 3:29

Kutani nawu wu vekiwa hi mina eka vanhu hinkwavo, ni ka matiko hinkwawo, ni ka va tindzimi hinkwato, leswaku munhu la solaka Xikwembu xa Xadraka, na Mexaka, na Abedi-Nego u ta pulukanyisiwa, kutani yindlu ya yena yi ta endliwa tala, hikuva a ku na Xikwembu ximbe lexi nga ponisaka hi mukhuva wolowo.”

Esaya 40:25

“Mi ta ndzi fanisa na mani leswaku ndzi fana na yena xana?” ku vula la hlawulekeke.

Esaya 40:22

Hi yena la tshameke empfhukeni, ehenhla ka xirhendzevutana xa misava, kutani vaaki va yona va fana ni tinjiya. U andlala matilo tanihi nguvu leyo vevuka, u ma andlala tanihi tende a ma endla vuako bya yena.

Pisalema 89:6

Hikuva i mani, le tilweni, la nga tiringanisaka na Yehovha? Exikarhi ka vana va Xikwembu, i mani la fanaka na Yehovha?

Pisalema 147:5

Hosi ya hina yi kulukumba; matimba ya yona makulu ngopfu, Vutlhari bya yona a byi na ku pimiwa.