Pisalema 134:3 - Xitsonga (Bibele)

³ Yehovha a a ku katekise a ri Siyoni, Yena la endleke matilo ni misava.

BIBELE Mahungu Lamanene

³ HOSI Xikwembu, xona xi endleke tilo ni misava, a xi mi katekise xi ri eSiyoni.

Pisalema 134:3 Referans Kwoze

Pisalema 128:5

Yehovha a a ku katekise hi ku kateka loku humaka eSiyoni. Hi leswaku u ta vona ku kateka ka Yerusalema, Hi masiku hinkwawo ya ku hanya ka wena.

Pisalema 124:8

Ku pfuniwa ka hina ku le vitweni ra Yehovha La endleke tilo ni misava.

Varhoma 11:26

kutani hi mukhuva wolowo, Vaisraele hinkwavo va ta hlayisiwa, hilaha ku tsariweke leswaku: “Mukutsuri u ta huma eSiyoni, u ta susa xisandzu eka Yakobo”;

Pisalema 135:21

Yehovha la tiakeleke Yerusalema, a a khensiwe eSiyoni! Dzunisani Yehovha!

Pisalema 20:2

A a ku rhumele ku pfuna ka yena loku humaka evukwetsimelweni, A ku nyika ku tiya a ri Siyoni!

Pisalema 110:2

Yehovha u ta tshambuluta hi le Siyoni nhonga ya matimba ya wena: “Tlhoma ku fuma ka wena exikarhi ka valala va wena!”

Pisalema 14:7

Loko ingi ku hlayiseka ku nga tela Israele hi le Siyoni! Siku Yehovha a tlherisaka tiko ra yena eku bohiweni, Yakobo u ta tsaka, Israele u ta tsakisisa.

Rhuti 2:4

Enkarhini lowo Bowazi a pfa eBetlehema, a ku eka lava tshovelaka: “Yehovha a ve na n'wina!” Va n'wi hlamula, va ku: “Yehovha a a ku katekise!”

Pisalema 20:3

A a anakanye timhamba ta wena hinkwato, A va a amukela magandzelo ya wena!

Pisalema 115:15

Mi vakateki va Yehovha, La endleke tilo ni misava.

Pisalema 136:5

La endleke matilo hi vutlhari, Hikuva tintswalo ta yena hi leti nga heriki!

Zakariya 12:1

Vuprofeta bya rito ra Yehovha ehenhla ka Israele: Ku vurile Yehovha la andlaleke matilo, la vangeke misava, la vumbeke moya wa munhu eka yena: