Pisalema 133:3 - Xitsonga (Bibele)

³ Ku fana ni mberha ya Hermoni, Leyi welaka etintshaveni ta Siyoni; Hikuva hi kona Yehovha a leriselaka mikateko. Ni vutomi, hi laha ku nga heriki.

BIBELE Mahungu Lamanene

³ Swi fana ni mberha ya Hermoni loko yi wela etintshaveni ta Siyoni, laha HOSI Xikwembu xi katekisaka vanhu xi ri kona, xi va nyika vutomi hilaha ku nga heriki.

Pisalema 133:3 Referans Kwoze

Duteronoma 28:8

Yehovha u ta lerisa ku kateka leswaku ku va na wena etinguleni ta wena ni le mitirhweni hinkwayo ya mavoko va wena, kutani u ta ku katekisa emisaveni leyi Yehovha, Xikwembu xa wena, a ku nyikaka yona.

Pisalema 42:8

Ninhlekanhi, Yehovha u ndzi ha tintswalo ta yena; Nivusiku, ndzi tshama ndzi yimbelela risimu ra yena, Ndzi khongela Xikwembu xa vutomi bya mina.

Levhitika 25:21

Ndzi ta katekisa ngopfu lembe ra ntlhanu na rin'we, ri va ri mi nyika swakudya leswi ringanaka malembe manharhu;

Duteronoma 4:48

ku suka eArowere la nga eribuwini ra nambu wa Arinoni, ku ya fika entshaveni ya Sihoni, leyi nge Hermoni,

1 Yohane 5:11

Kutani vumbhoni byebyo, hi lebyi nge: Xikwembu xi hi nyikile vutomi lebyi nga heriki; kutani vutomi byebyo byi le ka N'wana wa xona.

Varhoma 5:21

swi va leswaku, kukotisa loko ku dyoha ku fumile hi rifu, tintswalo na tona ti fumisa sweswo hi ku lulama loku yisaka evutomini lebyi nga heriki, ha Yesu Kriste, Hosi ya hina.

Mikiya 5:7

Lava seleke va ka Yakobo va ta va exikarhi ka matiko lamanyingi kukotisa mberha leyi humaka eka Yehovha, ni mathonsi lama nga ehenhla ka byanyi; lama nga languteleki ku lerisa ka munhu, hambi ku ri ku fumiwa hi vana va vanhu.

Pisalema 16:11

U ta ndzi tivisa ndlela ya vutomi; Ku xurha ka ku tsaka ku kona emahlweni ka wena; Ni ku tsaka loku nga heriki evokweni ra wena ra xinene.

Varhoma 6:23

Hikuva hakelo ya vudyoho i rifu, kambe ku nyika ka tintswalo ta Xikwembu, i vutomi lebyi nga heriki, ha Yesu Kriste, Hosi ya hina.

Yohane 6:68

Simoni Petro a hlamula, a ku eka yena: “Hosi, hi nga ya eka mani xana? U ni marito ya vutomi lebyi nga heriki.

Yohane 5:29

lava endleke swinene va ta pfuka ku ya evutomini, lava endleke leswo biha va ta pfukela ku avanyisiwa.

Yoxuwa 13:11

na Giliyadi, ni tiko ra Vagexuri, ni Vamaakati, ni ntshava hinkwayo ya Hermoni, ni Baxani hinkwayo, ku fika eSaleka;

Nhlavutelo 1:18

ni Loyi a hanyaka; a ndzi file, kutani sweswi, ndza hanya hi masiku ni masiku; ndzi ni mimpfungura ya xivandla xa vafi ni ya rifu.

1 Yohane 2:25

Kutani ku tshembisa loku a hi nyikeke kona, i vutomi lebyi nga heriki.

Swivuriso 19:12

Ku kariha ka hosi ku fana ni ku dzuma ka nghala, Kambe rirhandzu ra yena ri fana ni mberha ebyanyini.

Pisalema 21:4

U kombele vutomi, kutani u n'wi nyikile byona, Byi ri vutomi lebyi tiyeke, lebyi nga heriki.

Yohane 5:24

Ndzi vurisile ndzi ri eka n'wina: La yingisaka rito ra mina, a va a pfumela eka la ndzi rhumeke, u ni vutomi lebyi nga heriki, kutani a nga ka a nga ti eku avanyisiweni, kambe u sukile eku feni ku nghena evutomini.

Yohane 4:14

Kasi un'wana ni un'wana la nwaka mati lawa ndzi n'wi nyikaka wona, a nga ka a nga ha tlheli a twa torha ni siku ni rin'we; kambe mati walawo a nyikiwaka hi mina, xi ta va eka yena, xihlovo xa mati lama khulukelaka evutomini lebyi nga heriki.” Wansati a ku eka yena:

Pisalema 21:5

Ku kwetsima ka yena kukulu hikwalaho ka ku pfuna ka wena. U n'wi nyikile ku chaviwa ni vukulu;