Pisalema 132:18 - Xitsonga (Bibele)

¹⁸ Ndzi ta funengeta valala va yena hi tingana, Kutani harhi ya vuhosi ya yena yi ta kwetsima enhlokweni ya yena.”

BIBELE Mahungu Lamanene

¹⁸ Valala va yena ndzi ta va khomisa tingana, kutani vuhosi bya yena byi ta kula byi ndlandlamuka.”

Pisalema 132:18 Referans Kwoze

Pisalema 35:26

A va khomiwe hi tingana, a va kanakanisiwe kun'we Lava tsakelaka swo biha leswi ndzi telaka! A va funengetiwe hi tingana ni xisandzu Lava tikurisaka ehenhla ka mina!

Ntirho 8:22

Lava ku vengeke va ta tela hi tingana; Kutani ntsonga wa lavo biha a wu nga ha vi kona.”

Nhlavutelo 11:15

Kutani ntsumi ya ntlhanu na timbirhi yi yimba nanga ya yona; ku twakala marito lamakulu lama vulavulaka etilweni, ma ku: “Ku fuma ka misava ni ka swilo hinkwaswo ku nyikiwile Hosi ya hina ni Kriste wa yena, kutani u ta fuma hilaha ku nga heriki.”

Matewu 28:18

Kutani Yesu a va tshinelela a vulavula na vona, a ku: “Ndzi nyikiwile vuhosi hinkwabyo etilweni ni le misaveni;

Pisalema 109:29

Vakaneti va mina va ta funengetiwa hi tingana, Kutani ku tsohoka ka vona ku ta va funengeta kukotisa nguvu.

Daniele 12:2

Kutani lavo tala lava etleleke entshurini wa misava va ta pfuka, van'wana va ta pfukela vutomi lebyi nga heriki, van'wana va ta pfukela xisandzu ni tingana leti nga heriki.

Nhlavutelo 17:14

Ti ta lwa ni Xinyimpfana, kambe Xinyimpfana xi ta ti hlula, hikuva i Hosi ya tihosi ni Mufumi wa vafumi; kutani lava a nga na vona hi lava vitaniweke ni vahlawuriwa, ni vapfumeri.”

Pisalema 109:19

A wu ve eka yena kukotisa nguvu ku tifunengeta ha yona, Kukotisa vamba leri munhu a tibohaka ha rona hi masiku!

Swivuriso 12:8

Munhu u ta dzunisiwa hi ku ringanisa vutlhari bya yena, Kambe mbilu ya lowo homboloka yi ta monyiwa.