Pisalema 132:12 - Xitsonga (Bibele)

¹² Loko vana va wena va hlayisa ntwanano wa mina Ni swileriso leswi ndzi nga ta va dyondzisa swona, Vana va vona va ta tshamisa exiluvelweni xa wena hi masiku.”

BIBELE Mahungu Lamanene

¹² Loko vana va wena va hlayisa ntwanano wa mina, va nga rivali ni leswi ndzi nga ta va dyondzisa swona, na vona vatukulu va wena va ta kuma vuhosi byebyo, byi va bya vona hilaha ku nga heriki.”

Pisalema 132:12 Referans Kwoze

Timhaka 2:30

Kambe, leswi ngi a ri muprofeta, ni ku tiva leswaku Xikwembu xi n'wi tshembisile hi ku hlambanya leswaku xi ta tshamisisa exiluvelweni xa yena un'wana wa rixaka ra yena;

Esaya 59:21

“Ntwanano wa mina na vona hi lowo,” ku vula Yehovha: “Moya wa mina, lowu nga ka wena, ni marito ya mina, lawa ndzi ma vekeke enon'wini wa wena, ma nga ka ma nga humi enon'wini wa wena, ni le milon'wini ya vana va wena, ni le milon'wini ya vana va vana va wena,” ku vula Yehovha, sweswi ni masiku!

Esaya 9:7

ku kurisa ku fuma, ni ku nyika xiluvelo xa Davhida ni ku fuma ka yena ku rhula loku nga heriki, ni ku xi tiyisa, ni ku xi seketela hi ku avanyisa ni ku lulama, sweswi ni hilaha ku nga heriki; ku hiseka ka Yehovha wa tinyimpi ku ta endla sweswo!

Pisalema 115:14

Yehovha u ta mi andzisa N'wina ni vana va n'wina.

Pisalema 102:28

Vana va malandza ya wena va ta tshamiseka, Ni vatukulu va vona va ta tiyisiwa emahlweni ka wena.

1 TIHOSI 2:4

leswaku Yehovha a tatisa rito ra yena leri a ri vuleke ehenhla ka mina, loko a te: ‘Kutakuloko vana va wena va tihlayisa etindleleni ta vona, va famba emahlweni ka mombo wa mina hi ntiyiso, etimbilwini ta vona hinkwato, ni le mimoyeni ya vona hinkwayo, a ku nga pfumari munhu wa yindlu ya wena exitshan'weni xa vuhosi xa Israele hilaha ku nga heriki.’

1 TIHOSI 8:25

Sweswi, Yehovha, Xikwembu xa Israele, tiyisa eka nandza wa wena tatana Davhida, lexi u n'wi tshembiseke xona loko u te: ‘U nga ka u nga pfumali emahlweni ka mina, munhu la tshamisaka exiluvelweni xa Israele, loko kunene vana va wena va hitekela tindlela ta vona ku famba emahlweni ka mina, kukotisa leswi u nga famba emahlweni ka mina.’

2 TIKRONIKA 7:18

ndzi ta tiyisa xiluvelo xa vuhosi bya wena hilaha ndzi swi boheke hakona ni tata wa wena, Davhida, loko ndzi te: ‘U nga ka u nga pfumali, ni siku ni rin'we, munhu wa rixaka ra wena la fumaka Vaisraele.’

Yeremiya 33:17

Hikuva ku vula Yehovha: Davhida a nga ka a nga pfumali munhu loyi a tshamaka exiluvelweni xa yindlu ya Israele;