Pisalema 132:11 - Xitsonga (Bibele)

¹¹ Yehovha u endlile nhlambanyo lowunene ka Davhida, A nga ka a nga hundzuki ka yona, u te: “Ndzi ta veka exiluvelweni xa wena n'wana la velekiweke hi wena.

BIBELE Mahungu Lamanene

¹¹ HOSI Xikwembu xi nga ka xi nga tlheleli ndzhaku; xi hlambanyele Davhida xi tiyisa xi ku: “Ndzi ta veka un'wana wa vana va wena exiluvelweni xa vuhosi.

Pisalema 132:11 Referans Kwoze

2 SAMIELE 7:12

Kutakuloko masiku ya wena ma herile, ni loko u etlerile ni vatata wa wena, ndzi ta pfuxa endzhaku ka wena mbewu leyi nga ta huma eswifungheni swa wena, kutani ndzi ta tiyisa vuhosi bya yona.

Pisalema 110:4

Yehovha u hlambanyile a nga ka a nga hundzuki, U te: “U muprista hi laha ku nga heriki, Hi mukhuva wa Melkisedeke.”

Timhaka 2:30

Kambe, leswi ngi a ri muprofeta, ni ku tiva leswaku Xikwembu xi n'wi tshembisile hi ku hlambanya leswaku xi ta tshamisisa exiluvelweni xa yena un'wana wa rixaka ra yena;

2 TIKRONIKA 6:16

Oho! Yehovha, Xikwembu xa Israele! Sweswi, endlela nandza wa wena Davhida, tata wanga, leswi u n'wi byeleke swona loko u te: ‘U nga ka u nga pfumali ni siku ni rin'we emahlweni ka mina, munhu la tshamaka exiluvelweni xa Israele, loko kunene vana va wena va hlayisa tindlela ta vona, ku famba enawini wa mina hilaha u fambeke hakona emahlweni ka mina.’

Vaheveru 6:18

leswaku hi timhaka timbirhi leti tiyeke leti Xikwembu xi nga kalaka ku hemba ha tona, hi kuma ku chaveleriwa loku tiyaka, hina hi chaveleke hi ku khoma leswi hi swi tshembaka, leswi vekeriweke emahlweni ka hina,

Luka 1:32

U ta va nkulukumba, u ta vuriwa N'wana wa La nge henhlahenhla; Hosi Xikwembu xi ta n'wi nyika xiluvelo xa Davhida, tata wa yena.

Pisalema 89:37

Xi ta tiyisiwa hi mikarhi, tani hi n'weti. Mbhoni leyi nga ematilweni ya tshembeka.”

Pisalema 89:35

“Ndzi hlambanyile kan'we hi ku kwetsima ka mina; Xana ndzi ta hembela Davhida-ke?

Pisalema 89:33

Kambe ndzi nga ka ndzi nga n'wi tekeri vunene bya mina, Ndzi nga ka ndzi nga hundzuluxi ku tshembeka ka mina mavunwa.

1 TIHOSI 8:25

Sweswi, Yehovha, Xikwembu xa Israele, tiyisa eka nandza wa wena tatana Davhida, lexi u n'wi tshembiseke xona loko u te: ‘U nga ka u nga pfumali emahlweni ka mina, munhu la tshamisaka exiluvelweni xa Israele, loko kunene vana va wena va hitekela tindlela ta vona ku famba emahlweni ka mina, kukotisa leswi u nga famba emahlweni ka mina.’

2 SAMIELE 7:16

Kambe yindlu ya wena, ni vuhosi bya wena byi ta tshama hilaha ku nga heriki emahlweni ka wena: swiluvelo swa wena swi ta tiya hi masiku.’ ”

2 SAMIELE 7:14

Ndzi ta va tatana eka yena, na yena u ta va n'wana wa mina, kungakuloko a endla leswo biha, ndzi ta n'wi laya hi nkhavi wa vanhu ni makhombo ya vana va vanhu;

1 SAMIELE 15:29

Loyi a nga ku tshemba loku tiyeke ka Israele a nga hembi ni ku tilandzula, hikuva a hi munhu leswaku a nga tilandzula.”

Tinhlayo 23:19

Xikwembu a hi munhu leswaku xi nga hemba, Ni n'wana wa munhu leswaku xi nga tisola. Xana hi yena la vulaka, kutani a nga endli, Loyi a vurisaka, kutani a nga hetisisi?

1 TIHOSI 1:48

Kambe hosi yi vurisa sweswo, yi ku: ‘A ku dzunisiwe Yehovha Xikwembu xa Israele, lexi nyikeke namuntlha munhu la tshamisaka exitshan'weni xa vuhosi xa mina, ndzi n'wi vona hi mahlo!’ ”

2 TIKRONIKA 7:18

ndzi ta tiyisa xiluvelo xa vuhosi bya wena hilaha ndzi swi boheke hakona ni tata wa wena, Davhida, loko ndzi te: ‘U nga ka u nga pfumali, ni siku ni rin'we, munhu wa rixaka ra wena la fumaka Vaisraele.’

Pisalema 89:5

Matilo ma dzunisa masingita ya wena, oho Yehovha! Ndzi vutshembeki bya wena enhlengeletanweni ya vakwetsimi.