Pisalema 123:2 - Xitsonga (Bibele)

² Vonani! Tanihi mahlo ya malandza lama langutaka voko ra n'wini va wona, Tanihi mahlo ya nandza wa wansati lama langutaka voko ra n'wini wa yena, Mahlo ya hina ma langutisa sweswo eka Yehovha, Xikwembu xa hina, A kondza a hi twela vusiwana.

BIBELE Mahungu Lamanene

² Malandza ya xinuna ni ya xisati a ma tshiki ku languta eka vinyi va wona. Hi mukhuva wolowo na hina a hi tshiki ku languta eka HOSI Xikwembu xa hina, xi kondza xi hi twela vusiwana.

Pisalema 123:2 Referans Kwoze

Pisalema 25:15

Mahlo ya mina ma languta Yehovha hi masiku, Hikuva u tshunxile milenge ya mina entlhan'wini.

Genesa 49:18

“Yehovha, ndzi langutele ku kutsuriwa hi wena!

Luka 18:1

Naswona, Yesu a va byela xifaniso ku kombisa leswaku vanhu va fanele ku khongela hi mikarhi hinkwayo, va nga tshuki va karhala.

Genesa 32:26

Kutani yeloyi a ku: “Ndzi tshike ndzi famba, hikuva byi lava ku xa.” Kambe Yakobo a ku: “Ndzi nga ka ndzi nga ku tshiki u famba, u nga si ndzi katekisa.”

Pisalema 119:82

Mahlo ya mina ma hela hi ku langutela ku hlayela ka wena, Kutani ndzi ri: “U ta ndzi chavelela rini?”

Yoxuwa 10:6

Kutani vanhu va Gibiyoni va rhuma eka Yoxuwa, emixaxeni ya Giligala, va ku eka yena: “U nga tshiki malandza ya wena, hatlisa u khandziya eka hina, u hi kutsula ni ku hi pfuna, hikuva tihosi hinkwato ta Vaamori, leti akeke entshaveni ti hlengeletanele hina.”

Yoxuwa 9:27

Yoxuwa a va veka siku lero vapandzeri va tihunyi ni vaki va mati va nhlengeletano ni alitari ya Yehovha ku fika namuntlha, endhawini leyi a nga ta yi hlawula.

Yoxuwa 9:23

Sweswi, mi rhuketeriwile; mi nga ka mi nga tshiki ku va makhumbi, mi va vapandzeri va tihunyi ni vaki va mati va yindlu ya Xikwembu xa mina.”

1 TIHOSI 1:20

Loko u ri wena hosi, n'wini wanga, mahlo ya Vaisraele hinkwavo ma languta eka wena, leswaku u ta vula eka vona loyi a nga ta tshama exiluvelweni xa hosi n'wini wanga endzhaku ka yena.

2 TIKRONIKA 20:12

Oho! Xikwembu xa hina! Xana u nga ka u nga va avanyisi xana? Hikuva hi pfumala matimba emahlweni ka vunyingi lebyi, lebyikulu, lebyi taka ehenhla ka hina; loko hi ri hina, a hi tivi leswi hi nga ta swi endla, kambe mahlo ya hina ma langutela wena.”