Pisalema 122:9 - Xitsonga (Bibele)

⁹ Hikwalaho ka yindlu ya Yehovha, Xikwembu xa hina, Ndzi ta lava vunene bya wena.

BIBELE Mahungu Lamanene

⁹ Leswi yindlu ya HOSI Xikwembu xa hina yi nga laha ka wena, ndzi ku navelela minkateko.

Pisalema 122:9 Referans Kwoze

Nehemiya 2:10

Sanibalati, Muhoroni, na Tobiya, nandza wa Muamoni, va va ni gome hi ku tlurisa, loko va twa leswaku ku fikile wanuna la nga ta endla vana va Israele vunene.

Pisalema 84:10

Hikuva ku tshama siku rin'we endlwini ya wena, Swi tlula khume ra madzana kun'wana. Ndzi rhandza ku tshama erikupakupeni ra yindlu ya Xikwembu xanga, Ku tlula ku tshama emitsongeni ya lavo biha.

Yohane 2:17

Kutani vadyondzisiwa va yena va anakanya leswaku ku tsariwile va ku: “Ku hiseka ka yindlu ya wena ku ndzi dyile.”

Pisalema 69:9

Hikuva ku hiseka ka yindlu ya wena ku ndzi dyile, Ni swisandzu swa lava ku sandzaka swi ndzi wele ehenhla.

Pisalema 26:8

Yehovha, ndzi rhandza vutshamo bya yindlu ya wena, Ni ndhawu laha ku kwetsima ka wena ku nga kona.

Estere 10:3

Hikuva Muyuda Mordekayi a a ri wa vumbirhi, la tlhandlamaka hosi Ahasuwerusi; a va nkulukumba exikarhi ka Vayuda, ni la tsakisaka eka vunyingi bya varikwavo; a a lavela vanhu va rikwavo tintswalo, a kanelela hinkwavo va rixaka ra yena ku rhula.

Nehemiya 13:14

Oho! Xikwembu xa mina, u ndzi anakanya hikwalaho ka sweswo, u nga hlanguli ku endla ka vukhongeri loku ndzi ku endleleke yindlu ya Xikwembu xa mina ni mitirho ya yona!

1 TIKRONIKA 29:3

Kambe, hi ku rhandza loku ndzi rhandzaka hakona yindlu ya Xikwembu xanga, leswi ndzi nga na swona swa nsuku ni swa silivhere, leswi nga swa mina kunene, ndza swi nyika swi va swa yindlu ya Xikwembu xanga, ehandle ka hinkwaswo leswi ndzi swi hlengeleteleke yindlu ya vukwetsimelo: