Pisalema 119:53 - Xitsonga (Bibele)

⁵³ Ndzi khomiwa hi nhlamalo wa vukari Loko ndzi vona lavo biha va tshika nawu wa wena.

BIBELE Mahungu Lamanene

⁵³ Lavo homboloka va ndzi hlundzukisa ngopfu, hikuva a va na mhaka ni nawu wa wena.

Pisalema 119:53 Referans Kwoze

Ezra 9:3

Kuteloko ndzi twile mhaka leyi, ndzi handzula banci ra mina, ni nguvu, ndzi hluva misisi ya nhloko ya mina, ni malebvu ya mina ndzi tshama ehansi ndzi ri ni gome.

Pisalema 119:158

Ndzi vavisiwa hi lava nga tshembekiki, Hikuva a va hlayisi rito ra wena.

Vafilipiya 3:18

Hikuva lavo tala lava ndzi va vuleke ngopfu eka n'wina, ni sweswi, ndza ha va vula hi ku rila, volavo va famba va ri valala eka xihambano xa Kriste:

Yeremiya 13:17

Kungakuloko mi nga yingisi sweswo, mbilu ya mina yi ta rila exihundleni hikwalaho ka ku tikukumuxa ka n'wina, mahlo ya mina ma ta rila, ma va ma rila ma halata mihloti, hikuva ntlhambi wa Yehovha wa yisiwa evukhumbini.

Ezra 10:6

Ezra a suka emahlweni ka yindlu ya Xikwembu a nghena ekamareni ya Yohanani, n'wana Eliyaxibi, kuteloko a nghenile kona, a nga dyi vuswa, a nga nwi mati, hikuva a a vavisekile hi ku tiarisa ka lava nga tlhela eku bohiweni.

2 Vakorinto 12:21

kutani kungakuloko ndzi vuyile ka n'wina, kumbe Xikwembu xa mina xi ta ndzi tsongahata ha n'wina, kutani ndzi ta vaviseka hikwalaho ka lavo tala lava dyoheke va nga tisolangiki ethyakeni, ni le vuoswini, ni le swidyohweni leswi va swi endleke.

Habakuku 3:16

Ndzi swi twile, kutani miri wa mina wu rhurhumela; eritweni rolero, milomu ya mina yi tsekatseka, ku bola ku nghena emarhambyini ya mina, ndzi ri karhi ndzi rhurhumela, loko ndzi fanekele ku languta ndzi wisile siku lero ra khombo, siku leri tiko ri nga ta hlomeriwa hi la nga ta ta ri hlasela.

Daniele 4:19

Kutani Daniele, vito ra yena a nga Beltexatsara, a sala a kayakayeka hi nkarhi, a pfulunganyiwa hi mianakanyo ya yena. Hosi yi tlhela yi vulavula, yi ku: “Beltexatsara, norho ni nhlamuselo ya wona swi nga tshuki swi ku pfulunganya.” Beltexatsara a hlamula, a ku: “Hosi yanga, norho lowu, a wu humeleli eka lava ku vengaka, ni nhlamuselo ya wona eka lava lwaka na wena!

Pisalema 119:136

Mahlo ya mina ma huma milambu ya mati lama khulukaka, Hikuva a va hlayisi nawu wa wena.

Nehemiya 13:25

Kutani ndzi va holovela, ndzi va rhukana, ndzi va ni van'wana, ndzi va hluva misisi, ndzi va hlambanyela hi Xikwembu, ndzi ku: “Mi nga nyika vana va n'wina eka vana va vona, mi nga teki vana va vona, na n'wina mi nga tekelani na vona.

Pisalema 89:30

“Kungakuloko vana va yena va tshika nawu wa mina, Va nga fambi eku leriseni ka mina,

Ezra 9:14

hi nga tlhela hi tlula milawu ya wena hi ku yini, ni ku tipfanganyeta ni matiko walawo ya manyala, hi ku tekana na vona xana? Xana u nga ka u nga hi kariheli, u hi heta, u nga ha siyi ni masiyela, hambi wu ri lowu poneke xana?

Nehemiya 5:6

Kuteloko ndzi twa ku hehla kuloku, ni marito walawo, ndzi kariha ngopfu.