Pisalema 119:4 - Xitsonga (Bibele)

⁴ U hi lerisile swiletelo swa wena, Leswaku swi hlayisiwa hi mafundza,

BIBELE Mahungu Lamanene

⁴ We HOSI, u lerisile vanhu leswaku va hlayisa swinene swiletelo swa wena.

Pisalema 119:4 Referans Kwoze

1 Yohane 5:3

Hikuva ku rhandza Xikwembu, hi loko hi hlayisa ku lerisa ka xona, kambe ku lerisa ka xona a ku tiki.

Yohane 14:21

“La nga ni milawu ya mina, kutani a yi hlayisa, hi yena la ndzi rhandzaka, kutani la ndzi rhandzaka, u ta rhandziwa hi Tatana; na mina ndzi ta n'wi rhandza, kutani ndzi ta tihlavutela eka yena.”

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina hi masiku hinkwawo, ku ko ku hela misava.”

Yeremiya 7:23

kambe hi yona mhaka leyi ndzi va byeleke yona, ndzi ku: ‘Yingisani rito ra mina, kutani ndzi ta va Xikwembu xa n'wina, kambe n'wina mi va tiko ra mina, mi famba endleleni hinkwayo leyi ndzi nga ta mi lerisa yona, hilaha mi nga ta kateka.’

Yohane 14:15

“Kungakuloko mi ndzi rhandza, hlayisani milawu ya mina.

Duteronoma 12:32

“Timhaka hinkwato leti ndzi mi lerisaka tona, mi ta ti hlayisa mi endla ha tona; u nga tshuki u ti engetela hi nchumu, kambe u nga tshuki u hunguta nchumu eka tona.

Yoxuwa 1:7

Tiya mbilu, u tiya swinene, u hiseka ku endla hi nawu hinkwawo lowu Muxe, nandza wa mina a ku leriseke wona; u nga tshuki u hambuka eka wona exineneni, hambi ku ri eximatsini, leswaku u ta kateka eswilweni hinkwaswo leswi u nga ta swi sungula.

Duteronoma 30:16

hikuva ndzi ku lerisa namuntlha ku rhandza Yehovha, Xikwembu xa wena, ni ku famba etindleleni ta yena, ni ku hlayisa milawu ya yena, ni timhaka ta yena, ni ku lerisa ka yena, hi kona u nga ta hanya, ni ku andza, kutani Yehovha, Xikwembu xa wena, xi ta ku katekisa etikweni leri u nga ta nghena eka rona ku ri fuma.

Duteronoma 11:22

“Hikuva loko mi hlayisa swinene milawu hinkwayo leyi ndzi mi lerisaka yona, ni loko mi endla ha yona, mi va mi rhandza Yehovha, Xikwembu xa n'wina, mi famba etindleleni hinkwato ta yena, mi ri karhi mi n'wi namarhela,

Duteronoma 6:17

kambe mi ta hlayisa swinene milawu ya Yehovha, Xikwembu xa n'wina, ni vumbhoni bya xona, ni ku lerisa loku xi mi leriseke kona.

Duteronoma 4:1

“Sweswi, Israele, yingisa milawu ni ku lerisa leswi ndzi mi dyondzisaka ku swi endla leswaku mi hanya, kutani mi ta nghena, mi va mi fuma tiko leri Yehovha, Xikwembu xa vatata wa n'wina, xi mi nyikaka rona.

Duteronoma 11:13

“Kungakuloko mi yingisa swinene milawu ya mina leyi ndzi mi lerisaka namuntlha, mi va mi rhandza Yehovha, Xikwembu xa n'wina, mi n'wi tirhela hi timbilu hinkwato ta n'wina, ni mimoya hinkwayo ya n'wina,

Duteronoma 4:9

“Ntsena tivonele, u hlayisa swinene moya wa wena, leswaku u nga tshuki u rivala swilo leswi mahlo ya wena ma swi voneke; swi nga tshuki swi huma embilwini ya wena, ni siku ni rin'we ra ku hanyaka wena; u swi dyondzisa vana va wena ni vatukulu va wena.

Eksoda 7:6

Muxe na Aroni va endlisa sweswo. Va endla hinkwaswo hilaha Yehovha a nga va lerisa hakona.

Duteronoma 6:3

“Oho Israele! U ta swi yingisa, u ta chivirikela ku swi endla leswaku u tsaka, kutani mi ta andza ngopfu etikweni leri kulukeke hi ntswamba ni vulombe, hilaha Yehovha, Xikwembu xa vatata wa wena, a ku byeleke hakona.

Ezra 7:21

Kutani mina, ndzi nga hosi Ataserkisi, ndzi byela n'wina hinkwenu va hase ka nambu lava hlayisaka xuma xa mina, leswaku mi hatlisa mi endla hinkwaswo hilaha Ezra, muprista ni mutsari wa milawu ya Xikwembu xa le matilweni, a nga ta kombela hakona,

Ezekiele 20:19

Hi mina Yehovha, Xikwembu xa n'wina, fambani hi ku lerisa ka mina, mi hlayisa milawu ya mina, mi yi endla;