Pisalema 119:34 - Xitsonga (Bibele)

³⁴ Ndzi nyike ku twa swinene, leswaku ndzi ta hlayisa nawu wa wena; Ndzi endla ha wona hi mbilu ya mina hinkwayo!

BIBELE Mahungu Lamanene

³⁴ Ndzi nyike ku twisisa nawu wa wena, ndzi wu landza hi mbilu ya mina hinkwayo.

Pisalema 119:34 Referans Kwoze

Matewu 7:24

“Hikwalaho-ke un'wana ni un'wana la yingiselaka marito lawa ndzi ma vulaka, a endla ha wona, ndzi ta n'wi ringanisa ni wanuna lowo tlhariha, la akeke yindlu ya yena eribyeni.

Yakobo 1:5

Loko un'wana wa n'wina a pfumala vutlhari, a a kombele eka Xikwembu lexi nyikaka hinkwavo hi nsovo, xi nga holovi, kutani u ta nyikiwa.

Pisalema 119:73

Swandla swa wena swi ndzi endlile, ndzi vumbiwe hi swona; Ndzi nyike ku twa, ndzi ta dyondza ku lerisa ka wena!

Yakobo 1:25

Kambe la xiyisaka nawu wa ku hetiseka, wu nga wa ku tshunxeka, a tiyisela kona, a nga ri mutwi la rivalaka, kambe a ri muendli la tirhaka, yeloyi u ta va munhu wo kateka eku endleni ka yena.

Yohane 7:17

Kungakuloko munhu a rhandza ku endla ku rhandza ka Xikwembu, u ta tiva dyondzo ya mina leswaku xana yi huma eka Xikwembu, kumbexana ndzi vulavula ndzi tisungulela swa mina.

Pisalema 119:69

Vatikurisi va ndzi lumbeta hi vunwa; Kambe mina ndzi hlayisa swileriso swa wena hi mbilu ya mina hinkwayo.

Pisalema 119:58

Ndzi lavile mombo wa wena hi mbilu hinkwayo ya mina; Ndzi tsetselele hi laha u ndzi tshembiseke hakona!

Pisalema 119:10

Ndzi ku lava hi mbilu ya mina hinkwayo: U nga ndzi tshiki ndzi hambuka ku lerisa ka wena!

Matewu 5:19

Hikwalaho la tlulaka wun'wanyana wa milawu leyitsongo leyi, kutani a dyondzisa vanhu ku endlisa sweswo, u ta vuriwa lontsongo eku fumeni ka matilo. Kambe la hlayiseke nawu kutani a wu dyondzisa, u ta vuriwa lonkulu eku fumeni ka matilo.

Pisalema 111:10

Ku chava Yehovha i ku sungula ka vutlhari; Hinkwavo lava ku hlayisaka va ni ku twisisa lokunene. Ku dzuna ka yena ku tshama hi laha ku nga heriki.

Ntirho 28:28

Kutani xi ku eka munhu: ‘Vona, xichavo xa Hosi, hi byona vutlhari; Ku papalata swo biha, hi kona ku twisisa.’ ”

Yakobo 4:11

Mi nga tshuki mi hlevana, vamakwerhu; la hlevaka makwavo, kumbe la avanyisaka makwavo, u hleva nawu, kambe u avanyisa nawu; kutani loko u avanyisa nawu, a ku muhlayisi wa nawu, kambe u muavanyisi wa wona.

Duteronoma 4:6

Mi ta yi hlayisa ni ku tirha ha yona, hikuva byi ta va vutlhari bya n'wina, ni ku twisisa ka n'wina, emahlweni ka matiko lawa ma nga ta yingisa milawu leyi hinkwayo, kutani ma ta ku: ‘Tiko lerikulu leri, hi rona ntsena leri nga ni vutlhari ni ku twisisa!’

1 TIKRONIKA 22:12

Ntsena Yehovha a a ku nyike vutlhari ni ku twisisa, a a ku fumise ehenhla ka Israele, a a ku nyike ku hlayisa nawu wa Yehovha, Xikwembu xa wena.

Pisalema 39:2

Ndzi tshama ndzi ri mbheveve, ndzi timiyelela; Ndzi titsona ku vulavula, ndzi vaviseka, Kambe nhlomulo wa mina wu engetekile.

Pisalema 119:2

Ku katekile lava hlayisaka ku tsundzuxa ka yena, Lava n'wi lavaka hi timbilu hinkwato ta vona;

Pisalema 119:66

Ndzi dyondzise, ndzi he ku twa lokunene, ni ku twisisa! Hikuva ndzi pfumerile ku lerisiwa hi wena.

Pisalema 119:100

Ndzi tlula va khale hi ku tiva, Hikuva ndzi hlayisa swileriso swa wena.

Pisalema 119:104

Ndzi kuma ku twisisa eku leteleni ka wena, Hi leswo-ke ndzi vengile tindlela hinkwato ta mavunwa.

Pisalema 119:125

Ndzi nandza wa wena; ndzi nyike ku twisisa, Ndzi ta tiva swileriso swa wena.

Pisalema 119:130

Hlavutelo ya marito ya wena ya voninga, Yi nyika lavo rivala ku twisisa.

Pisalema 119:144

Ku lulama ka switsundzuxo swa wena hi loku nga heriki, Ndzi nyike ku twa swinene, ndzi ta hanya!

Pisalema 119:169

Yehovha, ku huwelela ka mina a ku fike eka wena! Ndzi nyike ku twisisa hi laha u ndzi tshembiseke hakona!