Pisalema 119:25 - Xitsonga (Bibele)

²⁵ Moya wa mina wu namarhele entshurini; Ndzi hanyise hi rito ra wena!

BIBELE Mahungu Lamanene

²⁵ We HOSI, ndzi wele entshurini! Ndzi pfuxe hilaha u tshembiseke hakona.

Pisalema 119:25 Referans Kwoze

Pisalema 119:159

Yehovha, tsundzuka leswaku ndzi rhandza swileriso swa wena; U ndzi hanyisa hi tintswalo ta wena!

Pisalema 71:20

U hi nghenisile emakhombyeni ya ku tala ni le ku vavisekeni; Kambe u ta tlhela u hi hanyisa, U ta tlhela u hi humesa emakheleni ya misava.

Pisalema 143:11

Yehovha, ndzi hanyise, hikwalaho ka vito ra wena! Hi ku lulama ka wena, humesa moya wa mina ekhombyeni.

Pisalema 44:25

Hikuva mimoya ya hina yi khunarhele entshurini, Miri ya hina yi namarhele misava.

Vakolosa 3:2

Anakanyani swilo leswi nga ehenhla, swi nga ri swa misava,

Pisalema 119:156

Ku tsetselela ka wena, Yehovha, kukulu; Ndzi hanyise hi ku avanyisa ka wena!

Pisalema 119:93

Ndzi nga ka ndzi nga rivali swileriso swa wena ni siku ni rin'we, Hikuva u ndzi hanyisile ha swona.

Pisalema 119:88

Ndzi hanyise hi tintswalo ta wena, Hi kona ndzi nga ta hlayisa ku tsundzuxa ka nomu wa wena.

Pisalema 119:40

Vona, ndzi navela swileriso swa wena. Ndzi ponise hi ku lulama ka wena!

Pisalema 119:37

Fularhisa mahlo ya mina, ma nga languti swahava, U ndzi hanyisa etindleleni ta wena!

Pisalema 80:18

Hi laha hi nga taka hi nga ha ku tshiki; U engeta u hi hanyisa, kutani hi ta khongela vito ra wena!

Duteronoma 30:6

Yehovha, Xikwembu xa wena, u ta yimbisa mbilu ya wena, ni timbilu ta vatukulu va wena leswaku u rhandza Yehovha, Xikwembu xa wena, hi mbilu hinkwayo ya wena, ni moya hinkwawo wa wena, leswaku u hanya.

Vafilipiya 3:19

Makumu ya vona i ku lova; valavo Xikwembu xa vona ri nga khwiri ra vona, va tidzunisa hi swa tingana ta vona, va anakanya swa misava ntsena.

Pisalema 119:149

Yehovha, yingisa rito ra mina hi tintswalo ta wena! Ndzi hanyise hi ku avanyisa ka wena!

Pisalema 119:107

Ndzi ni nhlomulo lowukulu; Ndzi hanyise, Yehovha, hi laha rito ra wena ri vuleke hakona!

Esaya 65:25

“Mhisi ni xinyimpfana swi ta dya swin'we, nghala yi ta dya byanyi tanihi homu; nyoka yi ta dya ntshuri; ku nga ka ku nga endliwi leswo biha, ni leswi onhaka, entshaveni hinkwayo ya mina leyo kwetsima,” ku vula Yehovha.

Pisalema 22:15

Matimba ya mina ma omile tani hi mbita ya vumba, Ririmi ra mina ri namarherile emalakeni ya mina; Kutani u ndzi latile entshurini wa rifu.

Matewu 16:23

Yesu a rhendzelekela eka yena, a ku eka Petro: “Suka eka mina Satana, wa ndzi khunguvanyisa, hikuva a ku yingisi swa Xikwembu, u twa swa vanhu ntsena.”

Pisalema 44:26

Pfuka, u ta hi pfuna! Hi kutsule hikwalaho ka vunene bya wena!