Pisalema 119:21 - Xitsonga (Bibele)

²¹ U laya vatikurisi lava rhukaniweke, Lava hambukaka ku lerisa ka wena.

BIBELE Mahungu Lamanene

²¹ U tshinya vanhu lava titshembaka ngopfu, lava tivangelaka khombo hi ku tshika swileriso swa wena.

Pisalema 119:21 Referans Kwoze

1 Petro 5:5

Na n'wina lavantshwa, tivekeni ehansi ka lavakulu, mi ambala ku titsongahata, mi ri karhi mi tiveka ehansi ka van'wana, hikuva “Xikwembu xi alela lava tikurisaka, kambe xi tsetselela lava titsongahataka.”

Pisalema 119:10

Ndzi ku lava hi mbilu ya mina hinkwayo: U nga ndzi tshiki ndzi hambuka ku lerisa ka wena!

Pisalema 119:118

U sandza hinkwavo lava hambukaka timfanelo ta wena, Hikuva ku kanganyisa ka vona i swahava.

Luka 18:14

Ndzi ri eka n'wina: Yeloyi, u ngirimele endlwini ya yena, a hlayiwile la lulameke ku tlula mufarisi; hikuva un'wana ni un'wana la titlakusaka u ta tsongahatiwa, kambe la titsongahataka, u ta tlakusiwa.”

Luka 14:11

Hikuva un'wana ni un'wana la titlakusaka, u ta tsongahatiwa; kambe un'wana ni un'wana la titsongahataka, u ta kurisiwa.”

Malakiya 4:1

“Hikuva vonani, siku ra ta, leri hisaka ku fana ni ndzilo wa xitiko, kutani vatikukumuxi hinkwavo ni hinkwavo lava endlaka swo biha va ta kotisa byanyi bya ku oma; siku leri taka ri ta va hisa, ku vula Yehovha wa mavandla, a ku nga ha sali ni rimitsu, kumbe rhavi.

Pisalema 119:110

Lavo biha va ndzi celela marindzi, Kambe a ndzi hambuki swiletelo swa wena.

Duteronoma 30:19

“Namuntlha ndzi vitana tilo ni misava, ti va timbhoni ta mina emahlweni ka n'wina, leswaku ndzi vekile emahlweni ka wena vutomi ni rifu, ku kateka ni ku rhukana; hlawula vutomi leswaku u hanya, wena ni vatukulu va wena,

Duteronoma 28:15

“Kutakuloko u nga yingisi rito ra Yehovha, Xikwembu xa wena, ku hlayisa milawu hinkwayo va yena ni ku lerisa hinkwako ka yena, leswi ndzi ku lerisaka namuntlha, makhombo hinkwawo lawa ma ta ku tela henhla, ma ta ku fikela:

Yakobo 4:6

Kasi wu hi engetela tintswalo hikwalaho wu nge: “Xikwembu xi alela lava tikurisaka, kambe xi tsetselela lava titsongahataka.”

Vagalatiya 3:13

Kriste u hi kutsurile eku rhukaniweni ka nawu hi ku hlayiwa la rhukaniweke ematshan'weni ya hina hikuva ku tsariwile va ku: “Ku rhukaniwe mani na mani la hayekiweke emhandzeni,”

Daniele 4:37

Sweswi, mina, Nebukadnetsara, ndza dzunisa, ndza vonga, ndza kurisa Hosi ya le matilweni hikuva mitirho ya yena i ya xiviri, ni tindlela ta yena i ku lulama, kutani u ni matimba ya ku tsongahata lava fambaka hi ku tikurisa.

Yeremiya 44:16

“Loko ri ri rito leri u hi byeleke rona hi vito ra Yehovha, hi nga ka hi nga ku yingisi;

Esaya 43:28

Hikwalaho ndzi sorile tihosi ta vukwetsimelo ndzi nyiketile Yakobo ku yirisiwa, na Israele ku rhukaniwa.

Esaya 42:24

La nyiketeke Yakobo eku phangiweni, na Israele eka lava n'wi hlanguriseke i mani? A hi Yehovha xana? Hi n'wi dyohele; kambe va arile ku famba etindleleni ta yena, a va yingisanga nawu wa yena.

Esaya 10:12

Kambe kutakuloko Hosi yi hetile ntirho wa yona hinkwawo entshaveni ya Siyoni na Yerusalema, ndzi ta ba hosi ya Asiriya hikwalaho ka mihandzu ya ku tikurisa ka mbilu ya yona, ni ku tiarisa ka mahlo ya yona lama tlakukeke;

Pisalema 138:6

Yehovha u tlakukile; u vona lava titsongahataka, U tiva vatikurisi va ha ri kule.

Pisalema 119:78

Vatikurisi a va khomiwe hi tingana, hikuva va ndzi xanisa ntsena! Loko ndzi ri mina, ndzi karhi ndzi tsundzuka swileriso swa wena.

Nehemiya 9:29

U va khongoterile ku tlhelela emilawini ya wena, kambe va tialele ku yingisa milawu ya wena, va dyohele ku lerisa ka wena loku munhu a nga ta hanya hakona loko a endla hakona; va humesile khatla leri alaka joko, va nonon'hwisa tinhamu ta vona, va nga yingisi nchumu.

Nehemiya 9:16

“Kambe vatata wa hina va tikukumuxile va nonon'hwisa tinhamu ta vona, a va yingisanga ku lerisa ka wena,

Eksoda 18:11

Sweswi, ndza tiva leswaku Yehovha i nkulu eka swikwembu hinkwaswo; hikuva u va hangalasile emhakeni leyi va tikuriseke ha yona.”

Eksoda 10:3

Kutani Muxe na Aroni va ya eka Faro, va ku eka yena: “Yehovha, Xikwembu xa Vaheveru, xi te: ‘U ta ala ku fika kwihi ku titsongahata emahlweni ka mina? Tshunxa tiko ra mina ri ya ndzi tirhela.