Pisalema 119:173 - Xitsonga (Bibele)

¹⁷³ Voko ra wena a ri ndzi pfune, Hikuva ndzi tihlawulele swileriso swa wena!

BIBELE Mahungu Lamanene

¹⁷³ We HOSI, ndzi pfune minkarhi hinkwayo hikuva ndzi hlawurile ku landzelela swiletelo swa wena.

Pisalema 119:173 Referans Kwoze

Yoxuwa 24:22

Yoxuwa a ku eka tiko: “Mi timbhoni ta ku tirhambela leswaku mi hlawurile Yehovha, mi ri n'wina ku n'wi tirhela.”

Luka 10:42

kasi xilo lexi pfumariwaka i xin'we ntsena, kutani Mariya u tihlawulele ku averiwa loko saseka, loku a nga tiki tekeriwaka kona.”

Duteronoma 30:19

“Namuntlha ndzi vitana tilo ni misava, ti va timbhoni ta mina emahlweni ka n'wina, leswaku ndzi vekile emahlweni ka wena vutomi ni rifu, ku kateka ni ku rhukana; hlawula vutomi leswaku u hanya, wena ni vatukulu va wena,

Vafilipiya 4:13

Ndzi nga endla hinkwaswo ha Kriste la ndzi haka matimba.

2 Vakorinto 12:9

Kambe Hosi yi te eka mina: “Tintswalo ta mina ti ku ringene; hikuva matimba ya mina ma endlakala eku tsaneni.” Hikwalaho ndzi rhandza ku tidzunisa eku tsaneni ka mina, matimba ya Kriste ma ta tshama eka mina.

Marka 9:24

Kutani tata wa n'wana a hatlisa a tlakusa rito hi mihloti, a ku: “Ndza pfumela, Hosi! Ndzi pfune eku kanakaneni ka mina!”

Swivuriso 1:29

Hikuva va vengile vutivi, A va tihlawulelanga ku chava Yehovha,

Pisalema 119:117

Ndzi wundle ndzi ta hlayiseka, Timfanelo ta wena ti va emahlweni ka mina hi mikarhi!

Pisalema 119:111

Ndzi tekile ku lerisa ka wena, ri va rifuwo ra mina, hi masiku, Hikuva swi tsakise mbilu ya mina.

Pisalema 119:94

Ndzi wa wena, ndzi kutsule! Hikuva ndzi lava swileriso swa wena.

Pisalema 119:40

Vona, ndzi navela swileriso swa wena. Ndzi ponise hi ku lulama ka wena!

Pisalema 119:35

Ndzi fambise hi ndlela ya swileriso swa wena, Hikuva ndza swi tsakela!

Pisalema 119:30

Ndzi tihlawulela ndlela ya vunene, Ndzi tiyisela ku veka nawu wa wena emahlweni ka mina.

Pisalema 37:24

Loko a khunguvanyeka, a nga ka a nga weri makumu, Hikuva Yehovha u n'wi khomile hi voko.

Yoxuwa 24:15

Kambe loko swi bihile emahlweni ya n'wina ku tirhela Yehovha, hlawulani namuntlha loyi mi rhandzaka ku n'wi tirhela, hambi swikwembu leswi vatata wa n'wina va swi tirheleke ehase ka nambu, hambi swikwembu swa Vaamori, etikweni leri mi akeke eka rona. Loko ndzi ri mina ni yindlu ya mina, hi ta tirhela Yehovha.”

1 TIKRONIKA 4:10

Yabese a khongela Xikwembu xa Israele, a ku: “Ingi loko u ndzi katekisa, loko u tshineta mindzilekana ya mina, ingi loko voko ra wena ri va na mina, loko u ndzi sirhelela eka leswo biha, leswaku ndzi nga tshuki ndzi twa ku vaviseka!” Kutani Xikwembu xi n'wi nyika leswi a swi kombeleke.