Pisalema 119:141 - Xitsonga (Bibele)

¹⁴¹ Ndzi lontsongo, ndza tsan'wiwa; Hambiswiritano, a ndzi rivali swileriso swa wena.

BIBELE Mahungu Lamanene

¹⁴¹ Hambileswi ndzi nga munhu ntsena ni vanhu va ndzi langutelaka ehansi, a ndzi rivali swiletelo swa wena.

Pisalema 119:141 Referans Kwoze

Pisalema 22:6

Kambe mina ndzi xivungu, a ndzi munhu; Ndzi xisolo eka vanhu, ni la cukumetiweke hi tiko.

2 Vakorinto 8:9

Hikuva mi tiva tintswalo ta Hosi ya hina Yesu Kriste, hikuva loko a ri karhi a fuwile, u tiendle xisiwana hikwalaho ka n'wina, leswaku mi kuma ku fuwa evusiwaneni bya yena.

Yakobo 2:5

Yingisani, vamakwerhu lava rhandziwaka: Xana Xikwembu a xi hlawulanga swisiwana swa misava leyi, leswaku va va vafuwi eku pfumeleni, ni vadyandzhaka va ku fuma loku Xikwembu xi ku tshembiseke lava xi rhandzaka xana?

Luka 9:58

Kambe Yesu a ku eka yena: “Vahlati va ni micele, ni tinyanyana ta tilo ti ni swisaka, kambe N'wana wa Munhu a nga na laha a nga seketelaka nhloko ya yena kona.”

Luka 6:20

Kutani Yesu a tlakusa mahlo, a languta vadyondzisiwa va yena, a ku: “Mi katekile n'wina swisiwana, hikuva ku fuma ka Xikwembu ku le ka n'wina.

Swivuriso 16:8

Rifuwo leri tsanana leri nga ni ku lulama, Ri tlula ku bindzula ka xuma xo tala lexo homboloka.

Swivuriso 15:16

Rifuwonyana leri nga ni ku chava Yehovha, Ri tlurisa rifuwo lerikulu leri nga ni mikarhateko.

Swivuriso 3:1

N'wananga, u nga rivali nawu wa mina, Mbilu ya wena a yi hlayise ku lerisa ka mina;

Pisalema 119:109

Vutomi bya mina byi vekiwile ku lovisiwa hi masiku, Kambe a ndzi rivali nawu wa wena.

Pisalema 40:17

Loko ndzi ri mina, ndzi xisiwana ni mupfumari; Kambe Hosi ya ndzi anakanya. U mupfuni wa nga ni mukutsuri wa nga: Xikwembu xa mina, u nga hlweri!

Esaya 53:3

A soriwa, a tshikiwa hi vanhu, munhu wa mahlomulo, la tivaka maxangu, la soriweke tanihi xilo lexi yilaka, kutani a hi vulanga nchumu ha yena.

Swivuriso 19:1

Xisiwana lexi fambaka hi ku lulama ka xona, Xi tlula wa ku homboloka emilon'wini ya yena, xi nga xihunguki.

Pisalema 119:176

Ndzi ri karhi ndza tsendzeleka ku fana ni nyimpfu leyi lahlekeke: Lava nandza wa wena, hikuva a ndzi rivali ku lerisa ka wena.

Pisalema 119:16

Ndzi titsakisa hi timfanelo ta wena, Kambe a ndzi rivali rito ra wena.