Pisalema 119:137 - Xitsonga (Bibele)

¹³⁷ U lulamile, Yehovha, Ku avanyisa ka wena, na kona, ku lulamile!

BIBELE Mahungu Lamanene

¹³⁷ We HOSI, u lulamile, ni swiboho swa wena a hi ku lulama ka swona!

Pisalema 119:137 Referans Kwoze

Yeremiya 12:1

Wena Yehovha, u lulamile, ndzi nga tsandzeka ku kanetana na wena; hambiswiritano, ndzi ta tengisana na wena: Xana lavo biha va kateka ha yini, ni vakanganyisi hinkwavo va ni ku rhula ha yini-ke?

Ezra 9:15

Oho Yehovha, Xikwembu xa Israele, u lulamile; hina, hi lo sala hi ri lava poneke kukotisa leswi voniwaka namuntlha. Hi hina kwala, hi yimeke emahlweni ka wena hi ri ni nandzu; hikuva hi nga ka hi nga hanyi emahlweni ka wena hikwalaho ka swona.”

Daniele 9:7

Ku lulama ku le ka wena, Hosi; eka hina ku ni tingana ta mimombo, hi siku ra namuntlha eka vavanuna va Yuda, ni vaaki va Yerusalema, ni ka Vaisraele hinkwavo, eka lava nga ekusuhi, ni lava nga ekule, ematikweni hinkwawo laha u nga va hlongolela kona, hikwalaho ka ku dyoha loku va ku dyoheleke hakona.

Pisalema 145:17

Yehovha u lulamile etindleleni ta yena hinkwato, U ni tintswalo emitirhweni ya yena hinkwayo.

Nhlavutelo 16:7

Kutani ndzi twa alitari yi vulavula, yi ku: “Kunene Hosi Xikwembu xa matimba hinkwawo, ku avanyisa ka wena ku lulamile, i ka ntiyiso.”

Daniele 9:14

Hikwalaho Yehovha a hitekeleke khombo lero, a ri tisela ehenhla ka hina, hikuva Yehovha, Xikwembu xa hina, u lulamile emitirhweni hinkwayo yoleyi a yi tirheke, kambe a hi yingisanga rito ra yena.

Pisalema 103:6

Yehovha u avanyisela lava xanisiwaka hinkwavo, A va endlela hi ku lulama.

Pisalema 99:4

A va dzunise matimba ya Hosi leyi rhandzaka ku lulama! Hi wena la tiyisaka ku lulama, La humeseleke Yakobo ku avanyisa ni ku lulama.

Nehemiya 9:33

Loko u ri wena, u endlile hi ku lulama etimhakeni hinkwato leti humeleleke, u endlile swinene, kambe hina hi endlile leswo biha.

Duteronoma 32:4

“Yehovha i Ribye lero tiya; mitirho ya yena yi hetisekile; Hikuva tindlela hinkwato ta yena ti lulamile! I Xikwembu xo tshembeka, a xi na nandzu; Xi ni vunene, xi lulamile,

Nhlavutelo 19:2

hikuva ku avanyisa ka xona i ka ntiyiso, ku lulamile, hikuva xi avanyisile muoswi lonkulu loyi a nga borisa misava hi vuoswi bya yena, xi n'wi rihisele ngati ya malandza ya xona evokweni ra yena.”

Varhoma 2:5

Kambe hi ku nonon'hwa ka mbilu ya wena leyi nga riki na ku hundzuka, u tihlengeletela vukari lebyikulu, lebyi nga ta ku fikela hi siku ra vukari, leri ku nga ta humelela ku avanyisa loku lulameke ka Xikwembu ha rona,

Varhoma 9:14

Kutani hi ta ku yini? Xana ku homboloka ku kona eka Xikwembu xana? Niswitsanana!