Pisalema 119:10 - Xitsonga (Bibele)

¹⁰ Ndzi ku lava hi mbilu ya mina hinkwayo: U nga ndzi tshiki ndzi hambuka ku lerisa ka wena!

BIBELE Mahungu Lamanene

¹⁰ Ndzi lava ku ku yingisa hi mbilu ya mina hinkwayo, u nga pfumeli leswaku ndzi hambana ni swileriso swa wena.

Pisalema 119:10 Referans Kwoze

Pisalema 119:34

Ndzi nyike ku twa swinene, leswaku ndzi ta hlayisa nawu wa wena; Ndzi endla ha wona hi mbilu ya mina hinkwayo!

Pisalema 119:2

Ku katekile lava hlayisaka ku tsundzuxa ka yena, Lava n'wi lavaka hi timbilu hinkwato ta vona;

Pisalema 23:3

U hanyisa moya wa mina, U ndzi fambisa etindleleni leto lulama, Hikwalaho ka vito ra yena.

2 TIKRONIKA 15:15

Hinkwavo va Yuda va tsakela ku hlambanya loku, hikuva a va hlambanyile hi timbilu hinkwato ta vona, kutani va lavile Yehovha hi ku rhandza ka vona, kutani va n'wi kumile; kutani Yehovha u va nyikile ku wisa ematlhelweni hinkwawo.

Esaya 35:8

Gondzo ri ta va kona, ni ndlela leyi vuriwaka ndlela yo kwetsima; a ku na munhu wa thyaka la nga ta hundza kona; yi ta va ya lavo lulama ntsena. Lava nga ta famba endleleni yoleyo, hambi xi ri xiphukuphuku va nga ka va nga lahleki.

Pisalema 119:133

Tiyisa milenge ya mina eritweni ra wena, Kutani u nga pfumeleri ku biha leswaku ku ndzi fuma!

Swivuriso 21:16

Munhu la hambukaka ndlela ya ku anakanya U ta ya tshama enhlengeletanweni ya vafi.

Pisalema 119:118

U sandza hinkwavo lava hambukaka timfanelo ta wena, Hikuva ku kanganyisa ka vona i swahava.

Pisalema 119:21

U laya vatikurisi lava rhukaniweke, Lava hambukaka ku lerisa ka wena.

Vakolosa 3:22

Malandza, yingisani etimhakeni hinkwato lava nga veni va n'wina hi nyama; mi nga tshuki mi va tirhela loko va mi languta ntsena, swo nge mi rhandza ku tsakisa vanhu, kambe tirhani hi mbilu leyo saseka, ni ku chava Xikwembu.

Yeremiya 3:10

Hambiswiritano, Yuda, makwavo la nga tshembekangiki, a nga ha vuyanga eka mina hi mbilu hinkwayo kambe byi va hi vunwa, ku vula Yehovha.”

Swivuriso 2:13

Eka lava fularhelaka ndlela yo lulama, Lava fambaka hi tindlela ta munyama,

Pisalema 125:5

Kambe lava tiendlelaka tindlela to homboloka, Yehovha a va fambise swin'we ni lava endlaka swo biha! Ku rhula a ku ve ehenhla ka Israele!

Pisalema 78:37

Timbilu ta vona a ti nga lulamanga emahlweni ka xona, A va nga tshembekanga entwananweni wa xona.

Pisalema 119:176

Ndzi ri karhi ndza tsendzeleka ku fana ni nyimpfu leyi lahlekeke: Lava nandza wa wena, hikuva a ndzi rivali ku lerisa ka wena.

1 SAMIELE 7:3

Kavaloko Samiele a byela yindlu ya Israele hinkwayo, a ku: “Ku nga ku loko mi tlhelela eka Yehovha hi timbilu hinkwato ta n'wina, susani xikarhi ka n'wina swikwembu swimbe ni va Astarte, mi tiyisa timbilu ta n'wina eka Yehovha, mi tirhela yena ntsena; hi kona a nga ta mi ponisa emavokweni ya Vafilista.”

1 Yohane 2:15

Mi nga rhandzeni misava, hambi swi ri leswi nga emisaveni; kungakuloko munhu a rhandza misava, rirhandzu ra Tatana a ri kona eka yena.

Matewu 6:24

“A ku na munhu la nga swi kotaka ku tirhela tihosi timbirhi; hikuva u ta venga yin'wana, a rhandza yin'wanyana, kumbe u ta namarhela yin'wana, a sandza yin'wanyana. Mi nge swi koti ku tirhela Xikwembu na Mamona.

Hosiya 10:2

Timbilu ta vona ti ni mano; kutani va ta hlayeriwa milandzu. Xikwembu xi ta mbundzuxa tialitari ta vona, xi herisa swifaniso swa vona.

Pisalema 119:69

Vatikurisi va ndzi lumbeta hi vunwa; Kambe mina ndzi hlayisa swileriso swa wena hi mbilu ya mina hinkwayo.

Pisalema 119:58

Ndzi lavile mombo wa wena hi mbilu hinkwayo ya mina; Ndzi tsetselele hi laha u ndzi tshembiseke hakona!

Ezekiele 34:6

Tinyimpfu ta mina ti yingayinga etintshaveni hinkwato, ni le henhla ka swintshabyana hinkwaswo leswo tlakuka; tinyimpfu ta mina ti hangalaka emisaveni hinkwayo, ku nga ri na loyi a ti lavisisaka, ku nga ri na loyi a ti lavaka.