Pisalema 118:27 - Xitsonga (Bibele)

²⁷ Yehovha i Xikwembu, u hi voningile. Bohani hi mapindza mhamba ya nkhuvo, Mi yi tisa etimhondzweni ta alitari.

BIBELE Mahungu Lamanene

²⁷ HOSI i Xikwembu, xa hi voninga. Endlani nkuvo mi longoloka mi khomile switluka, ku kondza mi ya fika etimhondzweni ta alitari.

Pisalema 118:27 Referans Kwoze

Yohane 8:12

Kutani Yesu a tlhela a vulavula na vona, a ku: “Hi mina ku vonakala ka misava; la ndzi landzelaka, a nga ka a nga fambi emunyameni, kambe u ta va ni ku vonakala ka vutomi.”

Pisalema 18:28

Hi wena la vangamisaka ku vonakala ka mina; Yehovha, Xikwembu xanga, u vonakarisa munyama wa mina.

1 Petro 2:9

Kambe loko mi ri n'wina, mi rixaka leri hlawuriweke, mi vaprista va Hosi, mi tiko lero kwetsima, tiko leri xaviweke, leswaku mi twarisa matimba ya la mi vitaneke ku huma emunyameni, mi ya nghena eku vonakaleni ka yena loku hlamarisaka;

Esaya 60:1

“Suka u yima, u va u kwetsima, hikuva ku vonakala ka wena ku xile, kutani ku twala ka Yehovha ku humelele eka wena!

Esaya 9:2

Tiko leri nga famba emunyameni ri vona ku vonakala lokukulu. Lava akeke etikweni ra ndzhuti wa rifu va voningiwa hi ku vonakala.

Estere 8:16

Vayuda va tshama eku vonakaleni ni le ku tsakeni eku tsakisiseni ni le xichabyeni.

Pisalema 37:6

U ta humesa ku lulama ka wena kukota ku vonakala, Ni ku tenga ka wena kukotisa nhlekanhi.

1 TIHOSI 18:39

Tiko hinkwaro ri swi vona, va khinsama hi mimombo ya vona, va ku: “Xikwembu i Yehovha! Xikwembu i Yehovha!”

Malakiya 4:2

“Kambe loko mi ri n'wina lava chavaka vito ra mina dyambu ra ku lalama ri ta huma ri ri ni ku hanyisa etimpapeni ta rona; mi ta huma, mi tlula ku fana ni marhole ya le tshangeni.

1 TIHOSI 18:21

Eliya a tshinelela tiko hinkwaro, a ku: “Mi ta khwita hi milenge mimbirhi ku yisa kwihi xana? Loko Yehovha xi ri Xikwembu, n'wi landzeni; kambe loko Baali xi ri Xikwembu, n'wi landzeni!” Tiko ri miyela, ri ku ntsee.

Eksoda 38:2

A endla timhondzo ta mune leti humaka ealitarini, emagombyeni ya mune ya yona a ti nameka hi koporo.

Eksoda 27:2

U ta endla timhondzo ta mune etikhonweni ta alitari, kutani u ta yi nameka hi koporo.

Vaheveru 13:15

Hikwalaho, a hi humeseni hi masiku eka Xikwembu ha Yesu, magandzelo ya ku dzunisa, yi nga mihandzu ya milomu leyi vulaka vito ra yena.

1 TIKRONIKA 29:21

Siku leri tlhandlamaka, va tlhavela Yehovha magandzelo, va n'wi humesela ni tiholokosta, ti ri tinkunzi ta 1 000, ni makhuna ya 1 000 ni swinyimpfana swa 1 000, ni vuchelo bya swona, ni magandzelo ya ku tala ngopfu ya Vaisraele hinkwavo.

Mikiya 7:9

Ndzi ta rhwala ku kariha ka Yehovha, hikuva ndzi n'wi dyoherile, leswaku a ta ndzi pfuna emitengweni ya mina, kutani a ndzi avanyisela. U ta ndzi humesela eku vonakaleni, kutani ndzi ta hlalela ku lulama ka yena.