Pisalema 118:17 - Xitsonga (Bibele)

¹⁷ Ndzi nga ka ndzi nga fi, ndzi ta hanya, Kutani ndzi ta vula swiendlo swa Yehovha.

BIBELE Mahungu Lamanene

¹⁷ A ndzi nga fi, ndzi ta hanya leswaku ndzi twarisa mintirho ya HOSI Xikwembu.

Pisalema 118:17 Referans Kwoze

Yohane 11:4

Kuteloko Yesu a swi twile, a ku: “Ku vabya loku, a ku yisi eku feni, kambe ku yisa eku dzuniseni ka Xikwembu, leswaku N'wana wa Xikwembu a dzunisiwa hakona.”

Pisalema 73:28

Loko ndzi ri mina, ku tshinelela Xikwembu, i rifuwo ra mina. Ndzi vekile vuchavelo bya mina eka Hosi Yehovha, Leswaku ndzi ta amba mitirho ya wena hinkwayo.

Pisalema 6:5

Hikuva eku feni a ka ha anakanyiwi; I mani la nga ta ku dzunisa exivandleni xa vafi?

Habakuku 1:12

Xana a hi wena wa ku sungula wena, Yehovha, Xikwembu xa mina, Mukwetsimi wa mina? Hi nga ka hi nga fi! Oho Yehovha! Tiko lero u ri vekele ku avanyisiwa; wena, Ribye ra mina, u lunghisele rona ku tshinyiwa.

Pisalema 145:4

Rixaka rin'wana a ri byele rixaka leri tlhandlamaka mitirho ya wena, Ri twarisa mitirho ya wena leyi tlakukeke.

Pisalema 107:22

A swi humese magandzelo yo khensa, A swi twarise mitirho ya yena hi ku huwelela ka ku tsaka!

Pisalema 40:10

A ndzi fihlanga ku lulama ka wena embilwini ya nga, Ndzi vurile ku tshembeka ka wena ni ku hlayiseka ka wena, A ndzi fihlelanga nhlengeletano leyikulu tintswalo ta wena, ni ku lulama ka wena.

Pisalema 40:5

Wena Yehovha, Xikwembu xanga, u andzisile ngopfu Masingita ni makungu ya wena ehenhla ka hina; Swa hi hlula ku ma hlaya emahlweni ka wena. Hambi ndzi rhandza ku ma hlaya ni ku ma vula, Ntsengo wa wona wu tlula leswi nga hlayiwaka.

Yeremiya 51:10

Yehovha u vonakisile ku lulama ka hina; tanani, hi byela Siyoni mitirho ya Yehovha, Xikwembu xa hina.

Pisalema 119:13

Hi milomu ya mina ndzi vula ku avanyisa hinkwako Loku humeke enon'wini wa wena.