Pisalema 113:6 - Xitsonga (Bibele)

⁶ La korhamelaka ehansi, a hlometela Ematilweni ni le misaveni?

BIBELE Mahungu Lamanene

⁶ loko xi languta matilo kumbe misava, xo korhama kunene.

Pisalema 113:6 Referans Kwoze

Esaya 57:15

Hikuva ku vuriwa sweswo hi La nge henhlahenhla, loyi xiluvelo xa yena i xa masiku, ni loyi vito ra yena ri kwetsimaka: ndzi tshama exivandleni leswi tlakukeke, eku kwetsimeni; kambe ndzi ni munhu la tisolaka, ni la titsongahataka, leswaku ndzi ta pfuxa mimoya leyi tsongahatiweke, ndzi ta pfuxa ni timbilu leti tlhaviweke.

Pisalema 138:6

Yehovha u tlakukile; u vona lava titsongahataka, U tiva vatikurisi va ha ri kule.

Pisalema 11:4

Yehovha u le tempeleni ya yena leyo kwetsima, Yehovha u ni xiluvelo xa yena ematilweni; Mahlo ya yena ma languta, Tinkohe ta yena ti ringa vana va vanhu.

Esaya 66:2

Swilo leswi hinkwaswo, voko ra mina ri swi endlile kutani sweswo hinkwaswo swi humelele,” ku vula Yehovha. “Vona, loyi ndzi nga ta n'wi languta, hi loyi a titsongahataka, loyi mbilu ya yena yi nga leyi tshovekeke, ni loyi a rhurhumelaka hi rito ra mina.

Esaya 6:2

Kutani tiserafi a ti yimile ehenhla ka yena yin'wana ni yin'wana a yi ri ni timpapa ta ntlhanu na yin'we: ha timbirhi ti funengeta mimombo, ha timbirhi ti funengeta milenge, ha timbirhi tin'wanyana a ti haha ha tona.

Ntirho 15:15

Vona, swi tsandza ni vakwetsimi va xona, a xi va tshembi, Hambi ma ri matilo, a ma basanga emahlweni ka xona,

Ntirho 4:18

Vona, swi tsandza ni malandza ya xona, a xi va tshembi, Xi vona vuhunguki ni le ka tintsumi ta xona!

Ntirho 28:24

Hikuva xi vona ku fikela makumu ya misava, Xi languta hinkwaswo swa le hansi ka tilo.

Pisalema 33:14

Endhawini leyi a akeke eka yona, U languta vaaki hinkwavo va misava;