Pisalema 112:8 - Xitsonga (Bibele)

⁸ Mbilu ya yena yi tiyile swinene, a nga chavi nchumu, Mahlo ya yena ma ko ma tsakisiwa hi valala va yena.

BIBELE Mahungu Lamanene

⁸ Mbilu ya yena a yi kanakani, a yi chavi nchumu, a kondza a vona ku hluriwa ka valala va yena.

Pisalema 112:8 Referans Kwoze

Pisalema 118:7

Yehovha u na mina, kun'we ni lava ndzi pfunaka, Mina, ndza titsakela loko ndzi languta lava ndzi vengaka.

Pisalema 91:8

U ta languta ntsena hi mahlo ya wena, U ta vona hakelo ya vanhu va lunya.

Pisalema 59:10

Xikwembu xanga xi ta ta ndzi hlanganisa hi tintswalo ta xona, Xi ta tsakisa mahlo ya mina eku biweni ka valala va mina.

Pisalema 31:24

Tiheni matimba; timbilu ta n'wina a ti tiye, N'wina hinkwenu lava langutelaka Yehovha!

Vaheveru 13:9

Mi nga hambukisiwi hi tidyondzo leti hambaneke ta le handle; hikuva swi sasekile loko mbilu yi tiyisiwa hi tintswalo, ku nga ri hi swakudya leswi nga pfuniki nchumu eka lava swi tshembeke.

Swivuriso 3:33

Xirhuko xa Yehovha xi le ndlwini ya vadyohi, Kambe u katekisa yindlu ya lava lulameke.

Pisalema 92:11

Mahlo ya mina ma ta tsakela ku vona valala va mina, Ni tindleve ta mina ku yingisa lava ndzi pfukelaka.

Pisalema 27:14

Langutela Yehovha, u tshama u tiya; Mbilu ya wena a yi tiye! U titshembela Yehovha!

Pisalema 37:34

Tshemba Yehovha, u hlayisa ndlela ya yena, U ta ku kurisa leswaku u fuma misava; Kambe u ta vona ku herisiwa ka lavo biha.

Pisalema 49:6

Va tshemba rifuwo ra vona, Va tidzunisa hi vukulu bya ku fuwa ka vona.

Pisalema 118:6

Yehovha wa ndzi yimele, a ndzi nga chavi nchumu. Munhu a nga ndzi endla yini?