Pisalema 112:7 - Xitsonga (Bibele)

⁷ A nga ka a nga chavi mpfumawulo lowo biha; Mbilu ya yena yi tiyile, yi titshembela Yehovha.

BIBELE Mahungu Lamanene

⁷ Makungu layo biha a ma n'wi tshukisi, ú tiyile hikuva ú tshemba HOSI Xikwembu.

Pisalema 112:7 Referans Kwoze

Pisalema 57:7

Mbilu ya mina yi tiyile, oho Xikwembu! Mbilu ya nga yi tiyile; Ndzi ta yimbelela tinsimu ta ku vonga.

Swivuriso 1:33

Kambe la ndzi yingisaka u ta tiakela hi ku rhula, A nga chavi khombo.”

Pisalema 118:6

Yehovha wa ndzi yimele, a ndzi nga chavi nchumu. Munhu a nga ndzi endla yini?

Yohane 14:1

“Timbilu ta n'wina ti nga kanakani; pfumelani eka Xikwembu, ni ka mina mi pfumela.

Pisalema 64:10

Lowo lulama u titsakela eka Yehovha, a chavela eka yena, Kutani hinkwavo lava nga ni timbilu to lulama, va tidzunisa.

Pisalema 34:4

Ndzi lavile Yehovha, kutani u ndzi hlamurile; A ndzi kutsula eku chaveni hinkwako ka mina.

Daniele 3:16

Xadraka, na Mexaka na Abedi-Nego va hlamula, va ku eka hosi: “Wee Nebukadnetsara, a hi fanelanga ku ku hlamula nchumu emhakeni leyi.

Pisalema 62:8

N'wina vanhu, tshembani Xikwembu hi masiku hinkwawo, Halatani timbilu ta n'wina emahlweni ka xona; Xikwembu i vuchavelo bya hina.

Timhaka 27:25

Hikwalaho, vavanuna, tiyisani timbilu; hikuva ndza tshemba Xikwembu leswaku mhaka leyi yi ta endleka hilaha xi ndzi byeleke hakona.

Luka 21:9

Siku mi twaka tinyimpi ni madzolonga, mi nga tshuki mi chava, hikuva swilo leswo swi fanele ku humelela eku sunguleni, kambe makumu ma nga ka ma nga hatli ku fika.”

Luka 21:19

Hlayisani mimoya ya n'wina hi ku tiyisela ka n'wina.

Timhaka 21:13

Kambe Pawulo a hlamula, a ku: “Xana mi endla yini hi ku rila, mi ndzi tlhava mbilu xana? Kasi mina ndzi tilunghisile, ku nga ri ku bohiwa ntsena, kambe ni ku fela vito ra Hosi Yesu eYerusalema.”

Timhaka 20:24

Kambe a ndzi vuri nchumu ha swona, ni vutomi bya mina, a ndzi byi cawuki, ndzi ko ndzi heta pfhumba ra vutomi bya mina ni ntirho lowu ndzi nga wu lerisiwa hi Hosi Yesu, ku nga ku vula vumbhoni bya Evhangeli ya tintswalo ta Xikwembu.

Ntirho 11:15

U ta tiva ku yimisa nhloko ya wena u nga ri na xivati. U ta tiya matimba, u nga chavi nchumu;

Pisalema 49:6

Va tshemba rifuwo ra vona, Va tidzunisa hi vukulu bya ku fuwa ka vona.